Хятадын хойд хэсгийн Шаньси мужид орших нэгэн агуйгаас Юань, Мин гүрний үеийн (1206-1644) буддын шашны холбогдолтой, хадны эртний зураг олжээ. Орон нутгийн нэгэн гэрэл зурагчин эр Санжяо тосгонд байрлах эзэнгүй агуйгаас уг олдворыг олсон гэнэ.

Хадны зурганд Буддагийн хөшөө, луу, галт шувуу, цээнэ цэцэг, бадамлянхуа цэцгийг дүрсэлжээ. Жишан мужийн соёлын дурсгал, аялал жуулчлалын менежмент, үйлчилгээний төвийн захирал Жао Вуки тус газрыг хамгаалалтанд авч, тусгайлсан эргүүл ажиллуулж байгаа аж.

Уран зургийн хэв маяг дээр үндэслэж урласан хадны уг зургийг Юань гүрний төгсгөл ба Мин гүрний эхэн үед бүтээсэн гэж мэргэжилтнүүд үзэж таамаг дэвшүүлж байгаа гэнэ. Одоогоор судалгааны ажил үргэлжилж байгаа төдийгүй уг олдворын нарийвчилсан дүгнэлтийг хараахан гараагүй байна.