Битүүлэх ёс, цээрлэх зан үйл

Aдмин / Нүүр

Cap гарахгүй битүү харанхуй байдаг учир оны отгон шөнийг "битүүн" хэмээн нэрийддэг байна. Эл өдөр бүх зүйлс бүтэн, битүү байх учиртай. Энэ нь улирч буй ондоо тэгш дүүрэн байсан бөгөөд ирэх онд ч элбэг хангалуун байх болтугай хэмээсэн бэлгэдэл билээ. өвлийн адаг сарын сүүлийн өдөр буюу битүүний өдрөөс өмнө монголчууд хуучин оны өр шир, өглөг авлагаа дуусган, дутуу зүйлсээ гүйцээдэг уламжлалтай. Ингэснээр хийморь лундаа нь сэргэдэг хэмээн үздэг байна..

Битүүлэх ёслол нь нар шингэсэн хойно эхэлдэг. Идээ будаагаа засаж, хаалганыхаа баруун тотгоны дээр цагаан чулуу, цэвэр тунгалаг цас мөс тавьж сайн зүгийн эзэд сахиус орохын үүдийг нээхийн хамт, зүүн тотгоны дээр өргөс харгана, шарилж тавих нь муу зүгийн ад чөтгөрийн хорлолыг хаадаг учиртай.

Битүүний орой цэвэр цэмцгэр хувцаслаж, өтгөс бууралдаа өнгөтэй өөдтэй олбог дэвсгэрээ дэвсэн, ширээгээ засаж дээр нь битүүлгээ тавьж, идээ ундааныхаа дээжийг зүүнээс баруун тийш өрж, галдаа өргөж, бурхандаа дээжилсний дараа гэрийн эзэггэй цайныхаа дээжийг гэрийн эзэндээ эхэлж барьдаг ёстой. Гурван марал одонд идээ өргөж битүүлгээ хөндөнө. Цагаан сарын идээг онцгой хүндэтгэлтэйд тооцдог.

Битүүний зоогт эрүүг нь заагаагүй хонины битүү толгой юм уу, өвчүү байдаг. Хонины бүтэн махыг гэрийн эзэн эхэлж есөн хөндлөнг (толгой, хошуу, хоёр эрүү, хоёр чих, ууцны хоёр тал) хөндөж эхлээд галдаа, дараа нь бурхандаа өргөөд, гэрт байгаа хүмүүст тараана. Тавиас дээш настанд архи хүртээдэг учиртай.

1. Битүүн бол тэр жилийн хамгийн сүүлийн өдөр. Энэ өдөр айл хэсэхийг цээрлэнэ. Хэсүүчилсэн хүн шинэ ондоо бас тэнүүчилнэ гэдэг. Энэ шөнө айлд хоновол сүнс төөрнө. Гэрийн эзэн гэртээ байх нь ямар нэг гай барцад тохиолдохоос сэрэмжилж, буян хишгээ тонтоож буй хэрэг.

2. Битүүний өдөр нохой зодохыг цээрлэ. Зодвоос урган гарах шинэ ондоо гай гамшиг тохиолдох бөлгөө. Харин цадтал хоолло.

3. Амандаа юм зажилж гадаа гарахыг цээрлэнэ. Газарт ус, угаадас асгаж болохгүй. Эс тэгвэл чөтгөр ам долоож, яр шарханд баригдана.

4. Гэр орон харанхуй байх, гадаа хувцас хунараа хонуулах, нялх хүүхдийг нэрээр нь дуудахыг цээрлэнэ. Чөтгөр хорлоно хэмээнэ.

5. Өлөн зэлмүүн хонохыг цээрлэнэ. Урган гарч буй жилд нийтээрээ өлсөхийн ёр гэхийн учир хоол ундаа цадтал тохируулан хэрэглэнэ.

6. Гэр орондоо хэл ам, хэрүүл шуугиан хийх, өндөр дуугаар чанга бархирахыг цээрлэнэ. Эс дагаваас шинэ ондоо хэрүүл тасрахгүй. Айл гэр, улс орон амар тайван бус байх бөлгөө хэмээн цээрлэдэг заншилтай.


Сэтгэгдэл

Zochin [172.58.46.194] 2020-02-24 05:54:59

Hamar bituurheer tegeed nofozilin dusaahgui tseerleel bituurch uheh geed gevtjaahuu ain?

Зочин [37.76.28.164] 2020-02-23 21:33:14

Гэр гэртээ сайхан битүүрч байнөө. Монголоос маань хар хятдын хар тахал холуур байж хулгана жилээ угтлаа

p [202.126.88.157] 2020-02-23 20:51:01

ЭНЭ ЖИЛИЙН БИТҮҮН,ЦАГААН САР 1952 ОНЫ ЦАГААН САР ЫГ САНАГДУУЛАМ ТӨРИЙН ГАШУДАЛТАЙ ЖИЛ БОЛЛОО.ЭНЭ ЖИЛЭЭС ХОЙШ БҮР ХААХ БАЙХАА.ОРОСЫН ХҮРГЭН ЕРӨНХИЙЛӨГЧӨӨ.УУЛ ҮЗЭЭГҮЙ ХОРМОЙ ШУУЖ,УС ҮЗЭЭГҮЙ ГУТАЛ ТАЙЛАХЫН ҮЛГЭР БОЛЛОО,

Короновирус [202.21.108.152] 2020-02-26 04:04:09

Солиор, үхээр ээ.

Зочин [202.9.46.139] 2020-02-23 20:58:52

Tim shvv

Зочин [194.228.32.194] 2020-02-23 20:30:02

ад чөтгөр, лундаа жанцаны дон шуглэсэн сэтгүүлч бичиж монхруулжээ.

Зочин [202.9.46.139] 2020-02-23 20:59:28

Chi hujaa yu

Зочин [103.229.122.75] 2020-02-23 20:51:24

Чи ёс дагахгүйл биз?! Ямар дутав гэж!! Гэхдээ чамд ирэх жил их гай тохиолдох юм байна! Хэн нь мунхарсанаа чи сайн мартахааргүй ойлгох болноо!!

zochin [103.57.93.184] 2020-02-23 20:14:12

Nodnin bituuneer nagatsiindaa zochilon. Yagaa ch ugui


9 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
9 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.