Манайд коронавирус зөөрвөрлөгдөж ирж байгаа. Иймээс бүх шатны сургалтын үйл ажиллагааг зогсоож, зарим үйл ажиллагааг хэсэгчилэн тогтоож, бөөгнөрөл үүсгэхийг хориглоод байгаа. Энэ нь эдийн засагт хэрхэн нөлөөлж байгаа талаар олон удаа яригдаж байгаа ч олигтой үр дүнд хүрэхгүй байна. Засгийн газраас иргэдийн амьдралд дэм болох үүднээс шат дараатай арга хэмжээтэй авч байна. Харин хувиараа бизнес эрхэлж байгаа хүмүүсийн ачааг хараахан шийдэж чадахгүй байгаа юм.

Тод санхүү бизнесийн академийн захирал Ч.Баттөмөр “ Хавар намарт гол орлого орж ирдэг. Энэ хоёр орлогоор нь бүтэн жилийг туулдаг байгаа. Одоогийн байдлаар тэг зогсолт хийчихсэн байна. Эрсдэлийн сангаар ажилчдынхаа цалинг тавьж байна. Эдийн засгийн хувьд хүнд цохилт болоод байгаа. Улирал солигдож, цаг агаар дулаарах үед бэлэн хувцасны худалдаа эрхлэгчдийн орлого нэмэгдэж, хөдөлгөөн ихэсдэг. Гэтэл бэлэн хувцас эрхлэгчдийн худалдаа 60-70 хувиар буурсан. Өдөртөө нэг бараа зарах тохиолдол байгаа бол зарим өдөр огт бараа зарахгүй байгаа тохиолдол их байна. Хамгийн гол зүйл нь түрээсийн төлбөрөө бүтэн төлөх ёстой. Эдийн засгийн эмзэг нөхцөл байдалтай үед түрээсийн үнийг бууруулахгүй байгаа нь худалдаа эрхлэгчдийг мухардалд оруулж байна.

Худалдаа эрхлэгч: Долоон жил худалдаа эрхэлж байна. Одоо маш хүнд болсон. Түрээсийн төлбөр буулгахгүй байгаа. Өдөртөө нэг хоёр юм ч зарахгүй байна. Нэгдүгээр сараас хойш орлого огцом буурсан. Харин хүнсний хэрэглээ тогтмол хэрэглээ учраас байнгын орлоготой байдаг. Бэлэн хувцасны орлого үнэхээр байхгүй болсон.

Худалдаа эрхлэгч: Орлого маш их буурсан. Худалдаа эрхлэгчдэд түрээсийн дарамтаас гадна банкны хүүгийн дарамт гээд маш олон асуудал байна. Зарим нь хаалгаа барих дээр хүрч байна. Түрээсээ төлөхөд хүндрэлтэй байна. Иймээс Засгийн газраас дорвитой арга хэмжээ авах хэрэгтэй.