УИХ–ын гишүүдийн бүрэн эрхийн хугацаа дуусгавар болж, дараагийн сонгуулийн босгон дээр ирээд байна. Өнгөрсөн дөрвөн жилийн хугацаанд УИХ-ын гишүүд ямар ажил хийснийг Мэдээ.мн тоймлон хүргэж байгаа билээ. Энэ удаа УИХ-ын гишүүн Д.Лүндээжанцанг онцоллоо. Түүний хувьд 1992 оноос хойш өнөөдрийг хүртэлх хугацаанд УИХ-ын гишүүнээр долоо дахь удаагаа сонгогдон ажиллаж байгаа туршлагатай улс төрч юм. Тэрээр УИХ-д 27 дахь жилдээ хууль батлалцаж суугаа цор ганц гишүүн билээ. Өнгөрөгч дөрвөн жилийн хугацаанд төрийн түшээ тойрогтоо болон улс, эх оронд ямар ажлуудыг хийж, хэрэгжүүлснийг хүргэе.

НЭГ: ОНЦЛОХ ҮЙЛ ЯВДАЛ

Д.ЛҮНДЭЭЖАНЦАН ГИШҮҮНИЙ КАЗИНО ТОГЛОЖ БАЙГАА ЗУРАГ ИЛ БОЛЖЭЭ

Австрали улсад болсон Ази, Номхон далайн орнуудын парламентын 28 дугаар чуулганд манай улсаас УИХ-ын дарга Г.Занданшатар, УИХ дахь МАН-ын бүлгийн дарга Д.Тогтохсүрэн, УИХ-ын гишүүн Д.Лүндээжанцан, Ж.Мөнхбат, УИХ дахь АН-ын бүлгийн дарга Д.Эрдэнэбат нарын төлөөлөгчид оролцохдоо казино тоглосон хэрэгт холбогдсон.

Энэ тухайд УИХ-ын гишүүн Д.Лүндээжанцан өөрийн байр суурийг илэрхийлсэн байдаг ч казинод тоглож байгаа зураг нь олон нийтэд ил болжээ.

КАЗИНО “СОНИРХСОН” ГИШҮҮД ЮУ ХЭЛЭВ?

Д.ЛҮНДЭЭЖАНЦАН: МОНГОЛД КАЗИНОГИЙН ТУХАЙ ХУУЛИЙГ БАТЛАХ ЦАГ НЬ БОЛООГҮЙ ЮМ БАЙНА ГЭДЭГ ИТГЭЛ ҮНЭМШИЛ МААНЬ УЛАМ БАТАЛГААЖСАН

УИХ-ын гишүүн Д.Лүндээжанцан: “Би 20 гаруй жил Казиногийн тухай хуулийг эсэргүүцэж ирсэн хүний нэг. Ингэж эсэргүүцсэнийхээ төлөө адлуулж ч ирсэн. Сая Австралийн Канберра хотод болсон олон улсын Ази, Номхон далайн орнуудын парламентын 28 дугаар чуулганд УИХ-ын нэр бүхий гишүүдтэй оролцоод ирэх үеэрээ Казино гэж ямар байдаг юм, манайд энэ хуулийг батлах шаардлага байна уу, үгүй юу гэдгийг судлан үзэж, сонирхохоор орж танилцсан. Эндээс би Монголд Казиногийн хуулийг батлах цаг нь болоогүй юм байна гэдэг итгэл үнэмшил маань улам баталгаажсан. Эдийн засаг талаасаа ашиг тустай байж болох ч төрийн хяналтыг алдагдуулах зэрэг сөрөг тал олон юм байна” гэжээ.

Д.ЛҮНДЭЭЖАНЦАН: ХАРИУЦЛАГЫН ЗУД БОЛЖ БАЙНА

ЖДҮХС-гаас хувийнхаа "Цэн стайл" компанидаа зээл авсан Монгол Улсын Ерөнхий аудитор Д.Хүрэлбаатарыг албан тушаалаас нь түдгэлзүүлэх тухай асуудлыг УИХ-ын чуулганы хуралдаанаар хэлэлцэх үеэр УИХ-ын гишүүн Д.Лүндээжанцан “Манай гишүүд УИХ-ын хуулиа сайтар судалмаар байна. Хариуцлагын зуд болж байгаа нь үнэн. Олон жил давхар дээлийг тайлах тухай асуудал ч яригдаж байгаа. Засах зүйлээ засаад хариуцлагаа тооцоод явах ёстой гэдэг дээр санал нэг байна” гэжээ.

Д.ЛҮНДЭЭЖАНЦАН: ТОМИЛГОО БОЛОХООР "ХУЖИРССАН МАЛ" ШИГ ИРЭХ ЮМ

УИХ-ын нэгдсэн чуулган хуралдаж, Монголбанкны тэргүүн дэд ерөнхийлөгч болон БНХАУ, БНСУ-д суух элчин сайд нарыг томилсон. Тэгвэл УИХ-ын сонгууль дөхсөн энэ цаг үед томилгоо хэлэлцэж байгаа нь буруу гэж УИХ-ын гишүүн Д.Лүндээжанцан байр сууриа илэрхийлжээ.

Тэрээр “Томилгоо болохоор "хужирссан мал" шиг ирэх юм. Гарцаагүй чухал хуулийн төслүүд байхад албан тушаал ярисаар цаг алдаж байна. Удахгүй чуулган хаана. Хуулиуд тулчихлаа, хэдхэн хүн хуулийн төслийн "бөөс" түүж суудаг” гэсэн юм.

ХОЁР. ЖДҮ-ТЭЙ ХОЛБОГДСОН ЭСЭХ: ҮГҮЙ!

ГУРАВ. ТАНИЛЦ: УИХ-ЫН ГИШҮҮН Д.ЛҮНДЭЭЖАНЦАНГИЙН УЛСЫН ИХ ХУРАЛД ӨРГӨН МЭДҮҮЛСЭН ХУУЛЬ, УИХ-ЫН ШИЙДВЭРИЙН ТӨСЛҮҮД

ДӨРӨВ. УИХ-ЫН ГИШҮҮН Д.ЛҮНДЭЭЖАНЦАНГИЙН ТОЙРОГТОО АМЛАСАН МӨРИЙН ХӨТӨЛБӨР ХЭРЭГЖСЭН ҮҮ?

МАН-ЫН АРД ИРГЭДДЭЭ АМЛАСАН МӨРИЙН ХӨТӨЛБӨР:

• БИД ХАМТДАА
• ИРГЭДЭЭ ЯДУУРЛААС АВАРНА
• ЭДИЙН ЗАСГАА ХЯМРАЛААС ГАРГАНА
• ЭХ ОРНОО ӨРНӨӨС САЛГАНА
• ТӨРИЙН ДАМПУУРЛЫГ ЗАСНА
• ТЭГШ ЖУРАМ, БАЯН ХҮЧИРХЭГ МОНГОЛОО ЦОГЦЛООЖ ЧАДНА.

Энэхүү мөрийн хөтөлбөрт туссан АМЛАЛТУУД дөрвөн жилийн хугацаанд хэрэгжсэн үү. Тэр дундаа УИХ-ын гишүүн Д.Лүндээжанцан тойрогтоо амласан мөрийн хөтөлбөрөө хэрэгжүүлж чадсан уу гэдгийг уншигч та дүгнэх учиртай.

ТАВ. МОНГОЛ УЛСЫН ИХ ХУРЛЫН ГИШҮҮН Д.ЛҮНДЭЭЖАНЦАНГИЙН ХӨРӨНГӨ, ОРЛОГЫН ХУРААНГУЙ

ХОМ 2018 оны байдлаар,

УИХ-ын гишүүн Д.Лүндээжанцан жилийн 55 сая төгрөгийн орлоготой гэдгээ ХОМ-тээ мэдүүлжээ. Харин гэр бүлийн гишүүд нь 38 сая төгрөгийн орлоготой гэжээ. Тэрээр нэг нийтийн орон сууц, нэг зуслангийн байшинтай, өвөлжөө хаваржааны гурван газартай. Эдгээр нь 969 сая төгрөгөөр үнэлэгдэж байна. Мөн 160 сая төгрөгийн үнэт эдлэлтэй, 170 сая төгрөгийн хадгаламжтай, "Шихихутуг" Их сургуулийн 60 хувийг эзэмшдэг гэжээ.