Манай улс 2020 оны нэгдүгээр сарын 6-наас 9-р сарын 22-ныг хүртэл дэлхийн 81 улсаас 22191 иргэнээ эх орондоо авчираад байгаа билээ. Гадаадад байгаа иргэдээ татах ажил тусгай үүргийн нислэгийн хуваарийн дагуу үргэлжилж байна.

Өнөө өглөө УБ-Будапешт-Франкфурт, УБ-Сидней чиглэлийн хоёр онгоц хөөрлөө. Унгар улсын Засгийн газрын тэтгэлгээр сурч байгаа 120 гаруй оюутнуудыг өглөөний онгоцоор хүргэж байна. Ингэснээр МИАТ-ын онгоц Унгар улс руу анх удаа нислэг хийж байна гэж ГХЯ-ны Консулын газрын захирал Л.Мөнхтүшиг ярив.