УИХ-ын чуулганы хуралдаанд Монгол Улсын Ерөнхийлөгчийн хэлсэн онцлох 13 эшлэл

Aдмин / Хууль

Монгол Улсын Ерөнхийлөгч Халтмаагийн Баттулга өнөөдөр УИХ-ын чуулганы цахим хуралдаанд оролцож, үг хэлсэн. Монгол Улсын Ерөнхийлөгчийн хэлсэн онцлох 13 эшлэлийг хүргэж байна.

1.

Шүүхийн асуудал бол хэдхэн шүүгчийн асуудал биш, шударга ёс тогтоох, шударга нийгэм байгуулахад голлох нөлөөтэй, ард иргэдийн амьдрал, хувь заяаг шийдвэрлэх онцгой үр дагавартай шийдвэрүүд гаргадгаараа нийт иргэн, аж ахуйн нэгжүүдэд зүй ёсоор хамаарах өргөн хүрээний асуудал мөн.

2.

Нийгмийн даатгалын санг тонож, татвар төлөгчдийн 340 гаруй тэрбум төгрөгийг зувчуулсан Улсын Их Хурлын гишүүн асан, Монгол ардын намын гишүүн Б.Ундармаа торгуулсан болоод хэргээс мултарч байхад айлын цонхоор нэвтэрч 50 мянган төгрөг хулгайлсан иргэн, мөн баавгайн арьс, савар авч яваад ял авч шоронд хоригдсон энгийн иргэд Монгол Улсын Ерөнхийлөгчөөс уучлал гуйж байх жишээтэй.

3.

Үндэсний аюулгүй байдлын зөвлөлийн зөвлөмж гарсан тохиолдолд шүүгчийн бүрэн эрхийг түдгэлзүүлж болох хуулийн төслийг Улсын Их Хурал тухайн үед нь хэлэлцэн баталсан. Амаргүй цаг үед гарсан энэ хууль туйлын зөв биш байж болох ч тухайн цаг үедээ гаргахаас өөр аргагүй Монголын төрийн арга ядсан арга хэмжээ байсныг Та бүхэн мэдэх хэрэгтэй.

4.

Би Үндсэн хуулийн нэмэлт, өөрчлөлтийг батлахад оролцохдоо ч, мөн шүүхийн багц хуулийн төслийг боловсруулахдаа ч зөвхөн “шударга ёс тогтоох, шударга нийгэм байгуулах” ганцхан зарчим баримталж, Монгол Улсын Ерөнхийлөгчид хуулиар олгогдсон Шүүхийн ерөнхий зөвлөлийн бүрэлдэхүүнийг томилох, Шүүхийн ёс зүйн хороо буюу одоо байгуулагдах сахилгын хорооны бүрэлдэхүүнийг томилох тодорхой бүрэн эрхүүдээс өөрийн биеэр татгалзаж, энэ чиглэлийн өөрчлөлтийг бүрэн дэмжсэн. Үүнийг энгийн ухамсрын түвшинд хэн бүхэн ойлгоно.

5.

Би шударга бусын хонгил байгуулж байсан, тийм хонгилыг удирдаж байсан Ерөнхийлөгчдөөс өөр, бүрэн эрхээ огт нэмэгдүүлж байгаагүйгээс гадна тодорхой бүрэн эрхүүдээс татгалзсан анхны Ерөнхийлөгч болж байна. Цаашид хэн нэгэн, хэсэг бүлэг этгээд, эсвэл улс төрийн аль нэг нам, уул уурхайгаар сүлбэлдсэн тодорхой бүлэглэл, фракцид шударга бусын хонгил үүсгэх, хонгилоо хамгаалах, сэргээн байгуулахыг би зөвшөөрөхгүй, бас тэвчихгүй ээ.

6.

Хамгийн энгийнээр тайлбарлавал бүх насаараа хөдөлмөрлөж зүтгэчихээд эцэст нь тэтгэврийн зээлд дарлуулан, чадан ядан амь зууж байгаа нийт ахмадуудын өрийг бүрэн тэглэх хэмжээний үр өгөөжтэй ард түмний баялаг, ордыг эзэмшиж, хууль шүүхийн байгууллагыг авлигадан өөртөө үйлчлүүлж, хоорондоо тэмцэлдэж байсан гадны иргэдийн зүй бус үйл ажиллагаанд хувийн ашиг сонирхлоор татагдан оролцсон, энэ үйлдлээрээ Монгол төрийн үнэлэмжийг үнэгүйдүүлэн, нийгэм-төрийн байгууллын аюулгүй байдалд ноцтой сөрөг үр дагавар бий болгох эрсдэл үүсгэсэн шүүгчдийн гэмт үйлдлийг таслан зогсоох, хуулийн өмнө хүн бүр тэгш байх Үндсэн хуулийн зарчим, шаардлагын дагуу зохих хууль, хяналтын байгууллагад шударгаар шалгуулах, энэ үйл ажиллагаанд албан тушаалын халдашгүй бүрэн эрхээ ашиглан аливаа байдлаар нөлөө үзүүлэхийг хориглох зорилгоор Үндэсний аюулгүй байдлын зөвлөл энэхүү зөвлөмжийг гаргасан.

7.

Би Монгол төрийн тэргүүний хувьд өмнөх Засгийн газраас боловсруулж, Улсын Их Хуралд өргөн мэдүүлсэн шүүхийн тухай хуулийн төсөлд шүүмжлэлтэй хандаж байгаа. Энэ хуулийн төсөл одоо мөрдөгдөж байгаа Монгол Улсын шүүхийн тухай, Шүүхийн захиргааны тухай, Шүүгчийн эрх зүйн байдлын тухай, Шүүхийн иргэдийн төлөөлөгчийн эрх зүйн байдлын тухай хуулиудыг хуулан нэгтгэсэн, эдгээр хуульд байгаа ололт, дэвшилттэй зарим зохицуулалтуудыг хассан, хүчингүй болоод удаж байгаа 2002 оны Шүүхийн тухай хуулиас ашиг сонирхолдоо нийцсэн зарим зүйл, заалт, зохицуулалтыг сэргээн тусгаж, нэг ёсондоо ухралт хийсэн, шүүхийн хүрээний асуудал, шаардлагыг ул суурьтайгаар судлан дүгнээгүй, олон нийт, эрдэмтэн, судлаач, мэргэжилтнүүдээр огт хэлэлцүүлээгүй алдаа дутагдалтай, шударга ёс, өөрчлөлт, шинэчлэлтийг хүсэн хүлээж байгаа иргэд, олон нийтийн итгэл найдварыг бүр мөсөн бөхөөх хэмжээний нэн хариуцлагагүй төсөл болсон.

8.

Шүүгчийн хараат бус байдлыг хангахад юуны түрүүнд шүүгч шүүгчдээ нөлөөлдөг, шүүн таслах үйл ажиллагаанд нь хууль бусаар оролцож, дарамт шахалт учруулдаг байдлыг бүрэн халах өөрчлөлтийг хуулийн шинэчлэлээр хийх шаардлагатай. Шүүгч нь шүүн таслах чиг үүргээ хэрэгжүүлэхдээ зөвхөн хуульд захирагдаж, бусдаас, түүний дотор тухайн шүүхийнхээ ерөнхий шүүгч, давж заалдах болон хяналтын шатны шүүхийн шүүгчдээс хараат бус байх ёстой юм.

9.

Сүүлийн таваас долоон жилийн байдлаар шүүхэд хөрөнгө оруулалтын шинжтэй нэг ч төгрөг улсын төсвөөр хуваарилагдсангүй, шүүхийн хөрөнгө оруулалтыг Улсын Их Хурал улсын төсвөөс тогтмол хасаж ирлээ. Энэ нь хууль тогтоох, гүйцэтгэх эрх мэдэл нь шүүх эрх мэдэлдээ саад учруулсаар байгааг харуулж буй хэрэг мөн бөгөөд Засгийн газрын зүгээс үүнийг даруй залруулж, шүүхийн үйлчилгээний чанар, үйл ажиллагааны нөхцөлийг нь сайжруулахад анхаарах ёстой байтал улам хамааралтай болгох бодлого, хуйвалдаан явуулж байгааг зөвтгөх аргагүй юм. Засгийн газрын төсөлд шүүхийн бие даасан байдлыг хангахад анхаарч чиглэсэн дорвитой бодлого, зохицуулалт огт тусгагдаагүй, зөвхөн шүүхийн үйл ажиллагааг тасралтгүй явуулах нөхцөлийг төр хангах агуулга бүхий хэт ерөнхий, өнгөц бодлогоор асуудалд хандсан нь учир дутагдалтай байна.

10.

Монгол Улсын Ерөнхийлөгчийн бүрэн эрх бол иргэн Х.Баттулгын эрх биш. Би энэ үүднээс, ирээдүйн олон Ерөнхийлөгчдийн өмнөөс асуудалд хандаж байна.

11.

Өнгөрсөн хугацаанд хууль, шүүхийн шинэчлэл гэх уриа лоозонд нийгмийг автуулдаг байсан боловч шударга ёс тогтох бодит өөрчлөлт гараагүйг иргэд олон нийт, ард түмэн мэдэж байгаа.

12.

Хуулийн байгууллага, шүүх хараат бус, ямар нэг шахалт дарамтгүйгээр ажиллаад эхлэхээр Жижиг, дунд үйлдвэрлэлийг дэмжих санг үгсэн хуйвалдаж, зохион байгуулалттайгаар тонон дээрэмдсэн, Хөгжлийн банкны хөгжлийн зээлийг хамаарал бүхий аж ахуй нэгжүүдээрээ хуу хамсан, уул уурхай, ашигт малтмалын лицензийг олноор эзэмшигч бүлэглэл, фракц, олон зуун сая долларын оффшор данс эзэмшигчид, татвар төлөгчдийн мөнгийг чадамжгүй болсон банкинд хийж хувьдаа асар их хэмжээний хөрөнгө олж, банкийг дампууруулан, эргээд татвар төлөгчдөөр төлүүлдэг, авлига, хээл хахуулийн мөнгийг газар, барилга, банк бус санхүүгийн байгууллагуудаараа угаадаг, монгол төрийн эрх ашгийг уландаа гишгэн гадны иргэн, аж ахуй нэгжтэй үгсэн хуйвалдаж төрийн эсрэг гэмт хэрэг үйлддэг хэсэг бүлэг этгээдүүд өнөөдөр шүүх, хуулийн байгууллагад өөрсдийн хяналтыг тогтоох зорилгоор увайгүйгээр дайрч, Шүүхийн тухай хуулийг хэлэлцэхээр чармайж байгаа нь ил тод болж байна.

13.

Монголын ард түмэнд хүний ёсоор амьдарч, хууль, шүүхийн өмнө тэгш эрхтэй байх чин хүсэл, мөнхүү хүлээлт байгаа. Ямраар хариулах нь өнөөгийн Улсын Их Хурлын бүрэлдэхүүний ёс зүй, нам бүлгийнхээ эрх ашгийг урдаа барин улс төржөөд байдаггүй аливаад эрүүл ухаанаар хандаж чадах гишүүдийн оролцоо, хүч түрэн бяралхадаг бус үнэн бодит байдлыг дүгнэж ард түмэндээ үйлчлэх ухамсар, чадвар бүхий төрийн түшээдийн алсын хараа, бодлого, зүтгэлээс шууд хамаарна.

Мэдээний дүрсийг хүлээн авч үзнэ үү.


Сэтгэгдэл

LhwSG [213.139.229.5] 2021-01-11 05:10:59

Drugs information leaflet. Generic Name. <a href="https://viagra4u.top">can i get cheap viagra for sale</a> in Canada. Everything what you want to know about pills. Read information now. <a href=https://www.bestattung-glueck.at/sterbefall.php?id=208&name=Edinger-Christian>Everything information about medication.</a> <a href=http://bbs47.net/bbs/topic/some-trends-of-medi>Some trends of medi</a> <a href=https://kempas.com.ua/komod-vega>Some what you want to know about medicines.</a> fc6c0cf

Зочин [89.45.6.164] 2020-11-28 21:24:21

Буурал Гансүх, түүний пялдага Гар хөл чинь болсон Өмгөөлөгч гэх луйварчин Баасанцогтыгоо зайлуулчихаад ШУДАргА ЁС яриач ээ!!!

зочин [64.119.24.48] 2020-11-28 17:33:38

Ярих хийх 2 нь хэт зөрсөн ЕРӨНХИЙЛӨГЧ өөрийнхөө идсэн 280000000 доллароо яая гэж байгаа юм болоо

Ганаа [150.129.141.56] 2020-11-29 00:09:56

Нүүрсны намыхны дайралт

Зочин [103.26.195.176] 2020-11-28 16:25:14

Бурхан л буруу зөвийг ялгаж буян, нүгэлийг нь эдлүүлнэ дээ хөөрхийс дэлхий тэр чигээрээ буоханы шүүлтүүрээр явж байна даа

Зочин [103.229.120.141] 2020-11-28 18:59:04

аа хөөрхий

Zochin [202.9.46.143] 2020-11-28 15:02:05

Eronhiilogch maani daanch jul bna daa hoorhii ooroo luiwarchin mgliin une tsentei bolgoniig ooriin bolgoson hundee daanch uls udirdahad tolgoi ni hurehgui yumdaa hurlee ene 2 erthen boliad chaddag mergejliin ulsaar solimoor yum daa mgl d chadaltai mergejliin hun zondoo bna daanch toriin alband orj chadahgui bna dandaa tsunh barisan bialdag hun bish chotgoruud tord bna toriin albanii shalgalt mash ih bulhiatai bolj bna uuniig taslan zogsoomoor bna battulga hurelsuh 2 ernhiilogchiin songuulid chaddag yum bol enkhbayar gyaitai orsoldooch aigaad suns chin zailj bnauu enkhbayariin ued ediin zasag yaj osoj blaa odoo yamar bolson we modon tolgoitnuudaa bid saihan amidraliig husej bna 76 manguutaigaa hurdan ogtsortsgoo

Зочин [66.181.161.21] 2020-11-28 14:13:59

ENE ERHIILEGCH SETEGLEEREE AJILVAL IH YUM HIINRR

Зочин [202.70.34.30] 2020-11-28 13:17:58

үнэн л ярьж байна даа

Зочин. [66.181.184.53] 2020-11-29 20:29:54

Үнэхээр, үнэнийг яг таг ярьж байнаа

Зочин [192.82.74.198] 2020-11-28 13:09:47

Ерөнхийлөгчийн хэлсэн үг бүр үнэн болж байна даа

Зочин [66.181.182.10] 2020-11-28 12:24:39

ШУДАРГА БУС БӨХ. ДАХИЖ СОНГОГДОНО ГЭЖ БҮҮ ГОРЬД

Dahij songonoo [119.40.102.1] 2020-11-28 21:48:04

Sain yronhilogch

Зочин [59.153.87.205] 2020-11-28 11:28:38

Амьдралд ойр зөв зүйлийг ярьжээ. Монгол түмэн шударга ёс, тэгш эрхийг хүсч, хүлээж байна. Төрийн түшээ гэгдэх энэ хүмүүст, шүүх хуулийханд эх орноо үр удмаа бодох сэтгэл жаахан ч гэсэн байдаг бол нийгэм эрүүлжих байхдаа. Даанч ихэнх нь мөнгөний боол, шуналын туламнууд юм даа..........

Зочин [66.181.161.24] 2020-11-28 11:19:15

Шшүх нь прокурортойгоо прокурор нь цагдаатайгаа мафи болсон шдээ

Зочин [66.181.160.69] 2020-11-28 11:03:47

Их хурал дотор хуулийн сургууль төгссөн нь хэд билээ,барилгачид,сэтгүүлчид,эмч,инженерүүд нь хуулийг яах билээ.Өмнөх сонгуулийн үед гаргасан шүүх тогтолцооны хуулийг хууль зүйн сайд Нямдож нь,одоогийн сайд нь батлалцаад л байсан биз дээ.Томчуудыг ялнаас гаргах ялгүй байлгах аргын хууль нь одоо ард иргэдэд хүндээр тусаж шүүх нь ажиллаж эхлэх нь ээ

Gemt hvn gelbelzene dairt mori habchignana [202.9.46.245] 2020-11-28 10:43:09

Vvriinhvv hiisen balgiig tsairuulah gej shudarga dvr esgej baina tvvh ard tvmen martahgvi chamaig shvvj l taarna odoo bolno bvvolnyg vimvvlj hutga

Зочин [66.181.184.53] 2020-11-29 20:37:35

Ххэ. Хулгайчууд, ерөнхийлөгчийн үнэн үгэнд, бачимдахдаа, хонзонгийн үгээ бичицгээе байх шив дээ.

Зочин. [66.181.184.53] 2020-11-29 20:34:57

Ерөнхийлөгчийг буруутгах үг бичиж байгаанууд нь, улсыг хохироосон, хулгайчид авилгын эзэд, жижүүчдийн хань хамсаатан, үр хүүхэд найз нь нөхөд нь л байж таарна.

Зочин [192.82.78.137] 2020-11-28 10:17:31

Амьдралтай л юм ярьж. Үг бүрээс нь амьдарлын ухаан, үнэн үнэртэх шиг боллоо. Яг л биед яв цав таарсан хувцас өмсөхөөр төрдөг тэр л мэдрэмж... Хөрсөн дээрээ буусан сэтгэлийн үгс.

зочин [66.181.184.221] 2020-11-28 10:09:06

Яаж ингэж худлаа ярьж чаддаг юм бол. Шүүхийг шүүр болгоод Мөнхбаягаландаа унуулж тавьчхаад өөрөө ял наймаацаж мөнгө аьч байгааг чинь бүгд мэднэ баттулгаа


21 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
21 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.