Монгол Улсын Ерөнхийлөгчийн бүрэн эрхийг хүлээн зөвшөөрөх тухай хуулийн төсөл, тангараг өргөх тов тогтоох тогтооллын төслийг дэмжив

Aдмин / Хууль

Улсын Их Хурлын Төрийн байгуулалтын байнгын хорооны өнөөдрийн (2021.06.11) хуралдаан 12 цаг 09 минутад гишүүдийн ирц бүрдсэнээр цахимаар эхэлж, хоёр асуудал хэлэлцэж шийдвэрлэв.

Байнгын хорооны хуралдаанаар эхлээд Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрөх тухай хуулийн төслийг хэлэлцлээ.

Монгол Улсын Ерөнхийлөгчийн сонгуулийн тухай хуулийн 73 дугаар зүйлийн 73.1 дэх хэсэгт “Монгол Улсын Их Хурал анхан шатны сонгуульд оролцсон нийт сонгогчийн олонхын санал авсан нэр дэвшигчийг Монгол Улсын Ерөнхийлөгчөөр сонгогдсонд тооцсон тухай Сонгуулийн ерөнхий хорооны шийдвэрийг үндэслэн бүрэн эрхийг нь хүлээн зөвшөөрөх тухай хууль гаргана” хэмээн заасны дагуу уг хуулийн төслийг боловсруулжээ.

Мөн Монгол Улсын Ерөнхийлөгчийн сонгуулийн тухай хуулийн 72 дугаар зүйлд Сонгуульд оролцсон нийт сонгогчийн олонхын санал авсан нэр дэвшигчийг Ерөнхийлөгчөөр сонгогдсонд тооцсон тухай шийдвэрийг Сонгуулийн ерөнхий хороо гаргаж, нийтэд мэдээлнэ. Сонгуулийн ерөнхий хороо нь сонгуулийн дүн болон Ерөнхийлөгчөөр сонгогдсонд тооцсон тухай шийдвэрийг санал хураалт дууссан өдрөөс хойш 10 хоногийн дотор Монгол Улсын Их Хуралд өргөн мэдүүлнэ гэж заасан.

Түүнчлэн Монгол Улсын Их Хурлын чуулганы хуралдааны дэгийн тухай хуулийн 95 дугаар зүйлийн 95.1 дэх хэсэгт Монгол Улсын Ерөнхийлөгчийн анхан шатны сонгуульд оролцсон нийт сонгогчийн олонхын санал авсан нэр дэвшигчийг Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрүүлэх тухай асуудлыг Сонгуулийн ерөнхий хорооны дарга Улсын Их Хуралд өргөн мэдүүлснээс хойш ажлын 5 өдрийн дотор Төрийн байгуулалтын байнгын хороо уг асуудлаар дүгнэлт гаргахаар зохицуулагдсан.

Энэ үндсэн дээр Сонгуулийн ерөнхий хороо Монгол Улсын Ерөнхийлөгчийн 2021 оны ээлжит сонгуулийн дүнг эцэслэн гаргаж хуралдаанаараа хэлэлцэн тогтоол баталж, дүнг өнөөдөр үдээс өмнө Улсын Их Хурлын даргад өргөн мэдүүлсэн юм. Хуулийн дээрх зохицуулалтын дагуу Монгол Улсын Ерөнхийлөгчийн 2021 оны ээлжит сонгуулийн дүнгийн талаар Сонгуулийн ерөнхий хорооны дарга П.Дэлгэрнаран Байнгын хорооны хуралдаанд илтгэл тавьсан юм.

Сонгуулийн ерөнхий хороо Монгол Улсын Ерөнхийлөгчийн 2021 оны ээлжит сонгуулийг Монгол Улсын Ерөнхийлөгчийн сонгуулийн тухай, Сонгуулийн автоматжуулсан системийн тухай болон холбогдох бусад хууль тогтоомжийн дагуу амжилттай зохион байгуулав. Монгол Улсын Ерөнхийлөгчийн энэ удаагийн сонгууль Коронавирусын халдварт цар тахал дотоодод тархсан амаргүй нөхцөл байдлын үед зохион байгуулагдлаа.

Ерөнхийлөгчийн ээлжит сонгуульд нийт сонгогчийн 59.35 хувь нь оролцож саналаа өгөв. Урьд өмнөх сонгуулиудтай харьцуулахад сонгогчдын ирц харьцангуй бага байсан ч цар тахалтай нөхцөлд сонгуулийг хуулийн дагуу амжилттай зохион байгууллаа гэж үзэж буйгаа Сонгуулийн ерөнхий хорооны дарга онцлов.

Сонгуулийн төв байгууллага хуулиар хүлээсэн үүргийнхээ дагуу Монгол Улсын Ерөнхийлөгчийн ээлжит сонгуулийг амжилттай зохион байгуулж, сонгуулийн дүнг эцэслэн гаргаж баталгаажуулсан. Мөн Монгол Улсын Ерөнхийлөгчийн сонгуулийн тухай хуулиар санал тоолох төхөөрөмж болон гар тооллого хийхээр заасны дагуу саналын хуудсыг 100 хувь гараар тоолоход санал тоолох төхөөрөмжийн дүнгээс зөрөөгүй гэдгийг тэрбээр тодотгосон юм.

Сонгуулийн ерөнхий хороо хуралдаж, Монгол Улсын Ерөнхийлөгчийн сонгуулийн тухай хуулийн 72 дугаар зүйлийн 72.1-д заасны дагуу Монгол Улсын Ерөнхийлөгчийн 2021 оны ээлжит сонгуулийн дүнг хэлэлцэн Монгол Улсын Ерөнхийлөгчийн сонгуулийн тухай хуулийн 72 дугаар зүйлийн 72.2, 72.3 дахь хэсэг, Сонгуулийн төв байгууллагын тухай хуулийн 7 дугаар зүйлийн 7.4.7, 12 дугаар зүйлийн 12.3 дахь хэсгийг үндэслэн шийдвэр гаргалаа.

Монгол Улсын Ерөнхийлөгчийн 2021 оны ээлжит сонгуульд оролцож саналаа өгсөн нийт 1,216,246 сонгогчийн олонхын буюу 823,326 /67.69 хувь/ санал авсан нэр дэвшигч Ухнаагийн Хүрэлсүхийг Монгол Улсын Ерөнхийлөгчөөр сонгогдсонд тооцсон шийдвэр гаргаж, сонгуулийн дүнг Улсын Их Хуралд өргөн мэдүүлсэн тухайгаа танилцуулсан юм.

Илтгэлтэй холбогдуулан Улсын Их Хурлын гишүүн Д.Тогтохсүрэн, М.Оюунчимэг нар Сонгуулийн ерөнхий хорооны даргаас асуулт асууж тодруулан хариулт авч, Улсын Их Хурлын гишүүн С.Бямбацогт, Ж.Сүхбаатар нар үг хэлж байр сууриа илэрхийлэв. Асуулт асууж, үг хэлсэн гишүүд Монгол Улсын Ерөнхийлөгчийг сонгох энэ удаагийн сонгуулийн ирц хэдийгээр бага байсан ч сонгууль харьцангуй тайван, элдэв гүтгэлэг, улстөржилтгүй, шударга болж өнгөрсөн, сонгуулийг хуулийн дагуу амжилттай зохион байгуулж явуулахад Сонгуулийн бүх шатны байгууллагууд, сонгуулийн хороо, хэсгүүдэд ажилласан төрийн албан хаагчид идэвхтэй оролцож ажилласан, сонгогчдын ирцийн явц байдал, санал хураалтын дүнг шуурхай, ил тод мэдээлж хүргэхэд техникийн дэвшлийг сайн ашигласан зэргийг онцолж байв.

Ингээд санал хураалт явуулахад Байнгын хорооны хуралдаанд оролцсон 13 гишүүний 12 нь Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрөх тухай хуулийн төслийг дэмжив.

Уг хуулийн төсөлд Монгол Улсын Үндсэн хуулийн Хорин тавдугаар зүйлийн 1 дэх хэсгийн 5 дахь заалт, Гучин нэгдүгээр зүйлийн 4 дэх хэсэг, Монгол Улсын Ерөнхийлөгчийн сонгуулийн тухай хуулийн 73 дугаар зүйлийн 73.1 дэх хэсгийг үндэслэн Ухнаагийн Хүрэлсүхийг Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрөхөөр тусгажээ.

Шинэ Ерөнхийлөгч 2021 оны зургаадугаар сарын 25-ны өдөр тангараг өргөнө

Дараа нь Монгол Улсын Ерөнхийлөгчийн тангараг өргөх тов тогтоох тухай Улсын Их Хурлын тогтоолын төслийг хэлэлцэв.

Монгол Улсын Ерөнхийлөгчийн тухай хуулийн 5 дугаар зүйлд шинэ сонгогдсон Ерөнхийлөгч нь Улсын Их Хурал Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрсөн хууль гаргаснаас хойш З0 хоногийн дотор Улсын Их Хуралд Үндсэн хуулиар тогтоосон тангараг өргөнө. Ерөнхийлөгч тангараг өргөх өдрийг Улсын Их Хурал товлон тогтооно гэж заасны дагуу уг тогтоолын төслийг боловсруулжээ.

Тогтоолын төсөлд шинэ сонгогдсон Ерөнхийлөгч Ухнаагийн Хүрэлсүхийн Монгол Улсын Ерөнхийлөгчийн тангараг өргөх өдөр, цагийг 2021 оны зургаадугаар сарын 25-ны өдрийн 11 цаг 40 минутад байхаар тогтоохоор тусгасан байна.

Тогтоолын төсөлтэй холбогдуулан гишүүдээс асуулт, санал гараагүй бөгөөд Байнгын хорооны хуралдаанд оролцсон 13 гишүүн санал нэгтэйгээр тогтоолын төслийг дэмжлээ гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.


Сэтгэгдэл

зочин [192.82.90.112] 2021-06-13 13:12:30

ковид, ядуурлын буянаар хүрэлсүх санасандаа хүрэв

иргэн [192.82.77.106] 2021-06-13 12:35:40

Та нарт хуул үйлчлэхгүй байгаа юм уу.Баахан короноо таоааж .баахан луйварын хууль бус согуул хийгээд бүү баярла!!!!!!!!!!!!юманд учир бий шүү .!!!!!!!!!! Та нар суудалдаа олхи -Ард түмэн Эх орондоо Олонхи шүү бүү мартаарай !!!!!!!!!! Ёс зүйтэй байцагаа!!!!!!!!!!!!!!!

zochin [66.181.161.117] 2021-06-13 11:34:53

90 nastai khogshin vkhliin irmeg deer khvvgee khvleej tsag minutaar tariagaar amidarch BNA uulzuulaad ongotoomoor BNA orshooliin khuulia garland uu erkhem etonkhiilogchii

zochin [66.181.161.117] 2021-06-13 11:31:19

100jiliin oig ger bvleeree temdeglemeer bn orshooliin khuulia gargan uu e-choo

Caitlyn [118.163.120.181] 2021-06-13 05:16:06

โปรโมชั่น Pg Slot ต่างๆมากมาย ให้กับสมาชิกทุกท่าน มาพร้อมโหมดpgslot demo ที่เปิดให้บริการตลอด 24 ชม. ให้ทุกท่านได้ร่วมสนุกกับ PGSLOT ได้อย่าง สนุกสนาน ไร้ขีดจำกัด เป็นเกมสล็อตแตกหนัก2021 และแน่นอนว่า การเลือกเล่น สล็อต จากเกม slot pg แตกง่าย จะช่วยทำให้ท่านสามารถทำ ผลตอบแทน ได้อย่างแน่นอน สล็อตเว็บตรง

Lou [186.3.147.10] 2021-06-12 09:22:10

สำหรับ นักพนัน ที่กำลัง มองหา เว็บตรง SLOT PGที่ดีที่สุด มี ลูกค้า มากที่สุดในตอนนี้ พวกผม คือ เว็บพนันออนไลน์ ยอดนิยมอันดับ หนึ่ง ที่เปิดให้บริการเกมคาสิโนออนไลน์ครบทุกวงจร ไม่ว่าจะเป็นสล็อตออนไลน์ , เกมบาคาร่า , กีฬาออนไลน์ , Roulette , เกมยิงปลา และอื่นๆอีกมากมาย ครบทุกวงจร และสำหรับ นักพนัน ที่ ต้องการร่วมสนุก กับ pg slot ที่ เว็บตรงสล็อต PG ของ พวกเรา PG SLOT

Werner [220.87.198.73] 2021-06-11 22:45:56

Thank you for sharing your info. I tduly appreciate your efforts and I am waiting for your fudther write ups thanks once again. Thailandoption website iqq option คือ

Зочин [66.181.161.71] 2021-06-11 16:49:08

Сү мэтийн офшорыг оруулж ирж чамайг эсэргүүцэж байсан хүмүүсийг амаа барьтал ажилаарай амжилт.


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.