“Бэлгийн замаар дамжих халдварт өвчнөөр өвчлөгчсдийн тоо ихэссээр байна” гэх энэ мэдээллийг бид зөвхөн сонсоод өнгөрч болохгүй юм. Энэ төрлийн өвнөөр ихэвчлэн ихэвлэн нөхөн үржихүйн насныхан буюу 15-40 насныхан уг өвчнөөр өвчилж буй тухай мэргэжлийн байгууллагууд эмзэглэн ярьсаар байна.

БЗДХӨ-ний нийт тохиолдлын 79 хувийг залуучууд эзэлж байна гэх энэ мэдээлэл бол үүний нотолгоо юм. Бэлгийн замын халдварт өвчний хамгийн хүнд хэлбэр нь ХДХВ ДОХ. Тэгвэл БЗДХӨ-нөөр олон удаа өвчлөх нь хүний дархлааг сулруулж улмаар ХДХВ-ээр өвчлөхөд дөхөм болдог байна.

БЗДХӨ-үүдийг заг хүйтэн, тэмбүү, трихомониаз, ХДХВ гэх зэргээр нэрлэдэг. Эдгээрээс тэмбүү өвчин нь хамгийн аюултай өвчин юм.

Энэ өвчнөөр өвчилсөн эх эцгээс төрөх хүүхэд өвчтэй төрдөг.

Товчхондоо бол тэмбүү өвчнөөр нэгэнт өвдсөн бол таны удамд дамжин үлдэх хор уршигтай гэсэн үг бөгөөд тэмбүүгийн халдвар эхээс урагт халдах магадлал 70-80 хувьтай байдаг. Эцэг эхийн хариуцлагагүй байдлаас болж дөнгөж төрж буй нярай насаараа зовж амьдрах нь дэндүү утгагүй зүйл.

Тэмбүү өвчин даамжирсан тохиолдолд 3-6 жилийн дараа арьс салстыг гүн гэмтээсэн тууралт гарахаас гадна, дотор эрхтэн, мэдрэлийн тогтолцоонд гүнзгий өөрчлөлт илэрч яс, үе мөчийг гэмтээдэг. Энэ нь мэдээж үхэлд хүргэх аюултай.

Гэхдээ өвдөнө гэдэг ичмээр зүйл биш харин өвчнөө хүнд халдаах нь ичмээр зүйл. Жишээлбэл бэлгийн үнэнч хамтрагчтай нэгэн сархад хэтрүүлснийхээ дараа өөр нэгэнтэй бэлгийн харьцаанд орж тэмбүү өвчнөөр өвчилчхөж. Өвчилснөө мэдэхгүй хамтрагчтайгаа харилцаанд орсон тул хамтрагч нь өвчилнө... Яг ийм байдлаар халдвар тархана гэсэн үг.

Иймд гэр бүл зохиож буй залуус, тэр тусмаа нөхөн үржихүйн насныхан анхаарах нь чухал юм. Тэгээд ч дэгж дэрвэн гүйж яваа хүү, охин чинь таны бодлогогүй үйдлийн золиос болж насаараа зовох учиргүй шүү дээ.

Дашрамд өгүүлэхэд улсын БЗХӨ-өөр жилдээ 16000 гаруй хүн өвчилдөг байна. Мөн нийт бүртгэгдсэн өвлөлийн 40 хувийг тэмбүүгийн халдвар дангаараа эзэлдэг гэсэн статистик бий. Бөгөөд 2022 он гарснаас хойш 3 сарын хугацаанд тэмбүүгийн 894 тохиолдол бүртгэгдсэн байна.