Ши Жиньпин, В.Путин нар Төв Азид есдүгээр сард уулзаж магадгүй
ВАШИНГТОН. /Kyodo/. БНХАУ-ын дарга Ши Жиньпин ирэх есдүгээр сарын дундуур Төв Азийг зорьж, ОХУ-ын Ерөнхийлөгч Владимир Путинтэй уулзахаар төлөвлөж байгаа талаар Америкийн “The Wall Street Journal” сонин мэдээлжээ.
Ши Жиньпин есдүгээр сарын 15-16-нд Узбекистаны Самарканд хотод болох Шанхайн хамтын ажиллагааны байгууллагын дээд хэмжээний уулзалтад оролцож, В.Путинтэй уулзаж магадгүй гэж тус сонин уг төлөвлөгөөнд ойр хүмүүсийн мэдээллийг эш татан уламжилсан байна.
АНУ-ын Конгрессын Төлөөлөгчдийн танхимын дарга Нэнси Пелоси энэ сарын эхээр Тайваньд айлчилсан нь Хятадад барууныхнаас үзүүлж буй дарамт шахалт ихсэж байгааг харуулж байна гэж Бээжинд үзэж байгаатай холбогдуулан ийм алхам хийж магадгүй гэж дээрх мэдээнд дурджээ.
Энэхүү төлөвлөгөө биеллээ олбол Ши Жиньпин 2020 оны эхэн үеэс хойших хилийн чанад дахь анхны айлчлалаа Төв Азийн тус оронд хийнэ. Хятад улсН.Пелосигийн Тайваньд хийсэн айлчлалд хатуу хариу үзүүлсэн бөгөөд тус арлын орчимд цэргийн томоохон сургууль явуулсны зэрэгцээ Тайваниас хөдөө аж ахуй, загасан бүтээгдэхүүний импортыг түр зогсоосон юм.
Үүнээс гадна Индонезийн Ерөнхийлөгч Жоко Видодо пүрэв гарагт “Bloomberg” агентлагт Ши Жиньпин, В.Путин нар Бали аралд энэ оны сүүлээр болох “Хорийн бүлэг”-ийн дээд хэмжээний уулзалтад оролцох төлөвтэй байгаа талаар мэдээлсэн билээ.
Э.Хулан
Эх сурвалж: "Монцамэ" агентлаг
.jpg)
.jpg)
.jpg)
Сэтгэгдэл
Зочин [66.181.179.135] 2022-08-23 05:44:56
Esh bish Ish tatna gej bichdeg yum
Сараа [114.30.17.19] 2022-08-22 10:53:01
Аргагүй л дэлхийн удирдагч нар даа
Зочин [66.181.179.135] 2022-08-23 05:45:42
Tenegteech
Зочин [202.9.46.32] 2022-08-23 04:07:40
Орос барууны орнуудын хөгжлөөс хоцорч яваа орон. Хятад барууны орнуудын технологийг хуулбарлаж дууриаж яваа орон.
ЗОЧИН [103.10.22.97] 2022-08-22 08:24:11
ЦЭРГИЙН ГЭМТ ХЭРЭГТЭЙ, ОЛОН УЛСЫН ЭРҮҮГИЙН ШҮҮХ ГААГАД БАЙХ ЁСТОЙ АЛАН ХЯДАГЧ ПУТИН ТЭНД ОЧВОЛ ОЛОН УЛСЫН УДИРДАГЧИД ТҮҮНЭЭС ЗУГАТААНА, СИ ДАРГА Ч ТЭНД ХЭРЭГГҮЙ.
зочин [122.201.24.173] 2022-08-22 05:49:55
за муу 2 лагаа минь монголоос холхон шиг л хуралдаж үзээрэй
Зочин [202.21.109.47] 2022-08-22 04:38:43
Сибир гаралтай царайтай Путин одоо боль,жүжигийн чинь хугацаа дууссан.Нөгөө герман царайтай Путин хамаагүй ухаантай байсан юм,тэр харагдахгүй их удлаа.