Баян–Өлгий, Баянхонгор, Говь-алтай, Ховд аймагт бэлчээрийн гарц муу, цаашид өвөлжилт хүндэрч болзошгүй байна

Aдмин / Орон нутаг

Өвөлжилтийн бэлтгэл ажлыг хангах хүрээнд Монгол Улсын Шадар сайд С.Амарсайхан ОБЕГ-ын удирдлагууд болон 21 аймгийн Онцгой байдлын газрын дарга нартай өчигдөр цахимаар хуралдлаа.

Ойрын 2 хоногт Булган, Сэлэнгэ, Хэнтий, Төв аймгийн нутгаар хөрсөн дээр хасах 5 градусыг давж цочир хүйтрэх бөгөөд ихэнх нутгаар эрс сэрүүсч уулархаг нутгуудаар шөнөдөө 13-18 градус хүйтэн, өдөртөө 3 градус хүйтнээс 2 градус дулаан байх төлөвтэй байх бөгөөд цаашид баруун өмнөд хэсгээр буюу Баян–Өлгий, Баянхонгор, Говь-алтай, Ховд аймгийн нутгаар бэлчээрийн ургамлын гарц муу, цаашид өвөлжилт хүндэрч болзошгүй байгаа талаар УОК-ын нарийн бичгийн дарга Г.Баярхүү хурал дээр мэдээллээ.

Энэ үеэр Хөдөө аж ахуйн салбарын 2022-2023 оны өвөлжилт, хаваржилтын бэлтгэл хангах зарим арга хэмжээний тухай Монгол Улсын Засгийн газрын 2022 оны 7 дугаар сарын 20-ны өдрийн 277 дугаар тогтоол, Монгол Улсын Ерөнхий сайдын 2022 оны 8 дугаар сарын 1-ний өдрийн 09 дугаартай албан даалгаварын хэрэгжилтийг бүх шатанд хангах ажлын хүрээнд Монгол Улсын Шадар сайд С.Амарсайхан Малчид, тариаланчид болон орон нутгийн иргэдэд Цаг уурын мэдээ мэдээллийг тогтмол хүргэх, өвөлжилт хүндэрсэн тохиолдолд отор нүүдлийн бүс нутгийг бэлдэхийг даалгалаа.

Мөн сайжруулсан шахмал түлшний хангалт, нийлүүлэлтийн бэлтгэл ажилд нийслэлийн Онцгой комисс шат шатны байгууллагатай хамтарч, хариуцаж ажиллах, эрчим хүчний салбарын найдвартай ажиллагаа, аюулгүй байдалд хяналт үнэлгээг хийх, албан байгууллага, айл өрхийн цахилгааны шугам сүлжээ болон аюулгүй ажиллагааг хянах, эрсдэлийн нөөцийг бүрдүүлэх тал дээр анхаарч ажиллахыг үүрэг болголоо.


Сэтгэгдэл

Зочин [202.131.230.218] 2022-11-02 09:14:23

Говь-Алтай аймагт Хан алтай ресурс гэж уул уурхайн алтны компани нээгдсэнээс хойш тэнгэр хангай өөдлөхөө байсан зундаа хур бороо орхоо байсан дээр нь малын тоо толгой дэндүү ихэссэн

Төмөр [192.82.84.118] 2022-10-03 07:04:36

Гарц муу гэж дээ. Малын толгой дэндүү их болчихсон учраас бэлчээрээ цөл болгочихсон шүү дээ.


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.