АНУ, Их Британи, Франц улсууд лхагва гарагт НҮБ-ын Аюулгүйн зөвлөлийн /АЗ/ хаалттай хуралдаан дээр Иран улс ОХУ-д нисгэгчгүй онгоц нийлүүлсэн байж болзошгүй асуудлаар хэлэлцэхээр төлөвлөж байна хэмээн “Reuters” агентлаг дипломат эх сурвалжаас эш татан мэдээлжээ. Украины тал Иранаас гаралтай нисгэгчгүй онгоцоор тус улсын объектуудад халдсан хэмээн Москваг буруутгасан. Мөн Украин НҮБ-ын шинжээчдийг нисгэгчгүй онгоцыг шалгах ажилд оролцохыг урьсан байна.

АНУ, Их Британи, Франц улсууд зэвсгийн шилжүүлгийг НҮБ-ын АЗ-ийн 2231 тоот тогтоолыг зөрчсөн гэж үзэж байгаа аж.

ОХУ энэ сарын 17-ны өдөр Украины нутаг дэвсгэрт олон тооны “Шахед-136” нисгэгчгүй онгоцоор халдлага үйлдэж, таван хүний аминд хүрсэн. Түүний дараа 18-ны өдөр Киев ОХУ-д онгоц нийлүүлсэн гэх үндэслэлээр Иран улстай харилцаагаа таслахаа мэдэгдсэн юм.