Украины Ерөнхийлөгч Владимир Зеленский Индонезийн Бали аралд удахгүй болох “Хорийн бүлэг”-ийн дээд хэмжээний уулзалтад оролцоно гэж Украины “Suspilne” телевиз мягмар гарагт төрийн тэргүүний хэвлэлийн төлөөлөгч Сергей Никифоровыг эш татан мэдээлжээ.

“Мэдээж ямар нэг хэлбэрээр Владимир Зеленский “Хорийн бүлэг”-ийн дээд хэмжээний уулзалтад оролцоно” гэж С.Никифоров мэдээлээд, түүнийг уг уулзалтад цахим хэлбэрээр оролцох бололтой хэмээн нэмж хэлсэн байна.

“Хорийн бүлэг”-ийн төр, засгийн тэргүүн нарын 17 дахь удаагийн дээд хэмжээний уулзалт Бали аралд 11 дүгээр сарын 15-16-ны өдрүүдэд "Хамтдаа илүү хүчтэй сэргэе" уриан дор болно.