Италийн эрх баригчид эрчим хүчний эх үүсвэрийн үнийн өсөлтөөс үүдэлтэй уршгийг бууруулах зорилгоор 9 тэрбум ам.долларын шинэ багц арга хэмжээг пүрэв гаргийн орой баталжээ. Холбогдох мэдээллийг тус улсын Засгийн газрын цахим хуудсанд нийтэлсэн байна. Засгийн газраас баталсан тогтоолд зааснаар, компаниудад хий, цахилгаан эрчим хүч худалдаж авахад тодорхой хөнгөлөлт үзүүлнэ.

Италийн Засгийн газар санхүүгийн дэмжлэгээс гадна, "байгалийн хийн үндэсний үйлдвэрлэлийг нэмэгдүүлэх зорилгоор" далайгаас хий олборлоход шинээр концессын гэрээг байгуулахыг зөвшөөрөх, олборлож буй хийн хэмжээг нэмэгдүүлэх шийдвэрийг мөн гаргажээ.