Дэлхийн тойрог зам дахь олон улсын сансрын станцад залгаатай Оросын “Союз МС-22” хөлөгт гэмтэл гарчээ. Үүнтэй холбогдуулан ОХУ тэнд байрлаж буй гурван сансрын нисэгчээ авчрах “Аврах ажиллагаа”-г явуулахаар төлөвлөж байна. Төлөвлөгөөгөөр сансрын хоосон хөлгийг станц руу илгээх боломжит хувилбарыг хэлэлцэж буй аж. Энэ сарын 14-нд “Союз” хөлгийн багийн хоёр гишүүн задгай сансарт гарахаар бэлдэх үед хөлгийн гаднах хөргөлтийн шингэний шугам цоорсон байна. Үүний улмаас хөргөлтийн шингэн задгай сансарт алдагдаж хөлгийн доторх температур 30 хэмд хүрч халж байна гэж нислэгийн төв удирдлага мэдэгдэв.

“Союз МС-22” хөлгийн багийн гишүүд болох Оросын сансрын нисэгч Дмитрий Петелин, Сергей Прокопьев, НАСА-гийн сансрын нисэгч Франк Рубио нар энэ оны есдүгээр сардуг станцад очоод байгаа юм.

Өдрийн сонин