Японы сүйрсэн Фукушимагийн атомын цахилгаан станцаас цэвэршүүлсэн цацраг идэвхт усыг Номхон далайд гаргаж эхэлсэнтэй холбогдуулан Хятад улс Японы далайн бүтээгдэхүүн импортлохыг даруй хориглох шийдвэр гаргажээ.

Хоёр жилийн өмнөЯпоны засгийн газраас баталгаажуулсны дараагаар, НҮБ-аас албан ёсны зөвшөөрөл олгосон юм. Цэвэршүүлсэн усыг далайд гаргах энэхүү шийдвэр нь “Фукушима Дайчи” атомын цахилгаан станцын сүйрлээс хойш ашиглалтаас гаргах урт хугацааны үйл ажиллагааныхамгийн чухал хүнд үйл явцын гол алхам юм. Орон нутгийн цагаар өдрийн 13:03-т усыг шахаж эхэлсэн бадалайн ойр орчмын байгууламжид ямар нэгэн хэвийн бус байдал илрээгүй хэмээн мэдээллээ. Хятад улс энэхүү шийдвэрийн эсрэг байр суурьтай байсаар ирсэн ба өнөөдөр ГХЯ-аас гаргасан мэдэгдэлдээ "Японы тал хувийн ашиг сонирхлоор орон нутгийн ард иргэд, тэр байтугай дэлхийн ард иргэдийг үл хүндэтгэн, хоёрдогч хохирол учруулах ёсгүй" гэлээ.

Тэдний энэхүү мэдэгдэлд Токио эсрэг байр суурьтай байгаа ба "шинжлэх ухааны үндэслэлгүй мэдэгдэл" тарааж байна хэмээн шүүмжиллээ. Уг атомын цахилгаан станцын хаягдал усыг “Олон улсын атомын энергийн агентлаг”-аас хүмүүс болон байгаль орчинд үзүүлэх нөлөөлөл нь "өчүүхэн" хэмээн дүгнэснийг дахин санууллаа.

Япон улс 2022 онд Хятад руу нийт 600 сая ам.долларын далайн бүтээгдэхүүн экспортолсон нь тус улсын экспортын хамгийн том зах зээл болж, Хонг Конг хоёрдугаарт орсон байдаг. 2022 онд Хятад, Хонг Конгод хийсэн борлуулалт нь Японы нийт далайн бүтээгдэхүүний экспортын 42 хувийг бүрдүүлсэн байна.Дэлхийн эрүүл мэндийн байгууллагын ундны усны хязгаараас бага буюу литр тутамд 10.000 беккерель юм. Беккерел нь цацраг идэвхт байдлын нэгж ба шинжилгээний үр дүнгээс харахад Фүкүшимагийн усны цацраг идэвхийн хэмжээ литр тутамд 63 байгаа ажээ.

Иргэний бүлгүүд Япон, Өмнөд Солонгост эсэргүүцлийн жагсаал зохион байгуулж байгаа ч Өмнөд Солонгосын засгийн газар энэхүү үйл явцыг шинжлэх ухааны үндэслэлтэй асуудалгүй хэмээн үзэж буйгаа мэдэгджээ.Өмнөд Солонгосын цагдаа нар Сөүл дэх Японы элчин сайдын яам руу нэвтэрсэн 14 жагсагчдыг түр саатуулаад байгааг зохион байгуулагчид хэвлэлд мэдээллэв.

Токио дахь жагсаал нэг цаг орчим үргэлжилсэн ба "Бохирдсон усыг далайд бүү хая!" хэмээн эсэргүүцлээ илэрхийлсэн байна.

Япон улсын зүгээс“Ус ялгаруулах талбайн эргэн тойронд мониторинг хийж, үр дүнг долоо хоног бүр ням гарагаас эхлэн нийтлэх болно” гэж Байгаль орчны сайд Акихиро Нишимура мэдэгдлээ.