ХАМАС бүлэглэлийн цэргийн жигүүр болох “Изэддин аль-Кассемын бригад” Израилын Бен-Гурион олон улсын нисэх онгоцны буудал руу пуужин харвасан гэж мэдэгджээ. Энэ тухай Палестины хэт давруу үзэлтнүүд Telegram сувагтаа мэдээлсэн байна. "Гэмт хэрэг үйлдсээр байгаагийн хариуд, түүнчлэн орон сууцны барилгууд руу цохилт өгсний хариуд Бен-Гурион нисэх онгоцны буудал руу пуужин харвасан" гэж хэт давруу үзэлтнүүдийн мэдэгдэлд дурджээ. Палестины бүлэглэлүүд Тель-Авив хот болон Израилын төв рүү олон пуужин зэрэг харвасан тухай өмнө нь “Al Arabiya” телевиз мэдээлсэн байна.