Монголчууд нэгдмэл үндэстэн төдийгүй бусдаас өөр соёл иргэншилтэй, өөр соёл ахуйтай гэдгийг улс төрийн тогтолцоонд оролцогчид ойлгох цаг болжээ. Аливаа үндэстний үндэсний эрх ашиг хангагдахгүйгээр нийгмийн хөгжлийн зам шудрахгүй гэдгийг эрт эдүгээгийн явдлууд нэгэнт нотолсон. Хэн гэдгээ мэдэхгүй бол хүн сүргийн нэг хэсэг буюу онцлог дархлаа нь суларсан сульдаа бөөгнөрөл болно гэсэн үг. Өөрөөр хэлбэл хүн амын ядуурлыг арилгах асуудлыг хэт хойшлуулан хэсэг бүлэгхэн нь баяжиж, боловсрол, боломж бүхнийг түрүүлэн хүртэх нь хамгийн харгис дэглэм юм.

Орчин үеийн нийгэмд боолчлолоос илүү тулгамдаж, экологийн сүйрлийг хурдасгаж буй нэг гол асуудал нь авлигал цэцэглэж, хулгай луйвар залилангаар гаршсан этгээдүүд ядуусаа мөлжих системийг далдуур бүтээж байдагт оршино. Дэлхийн ертөнцийн дэглэмийг үндэслэгчдийн үр сад болох Монгол хүмүүсийн давуу тал нь өвөг дээдсийн бидэнд үлдээсэн асах их үнэт зүйл, баялаг оюуны охь шим, зан заншил, ахуй соёл. Үүнийгээ шударга ёсны унаган дархлаатайгаа уялдуулж чадвал хөгжлийн зам ойрхон байна.

Д.ЭНХБАТ