Булган аймгийн Бүрэгхангай сумын нутаг дэвсгэрт алга болсон 15 настай хүүг эсэн мэнд олжээ. Цагдаагийн байгууллагаас 54 хүний бүрэлдэхүүнтэй долоон автомашинтайгаар эрлийн баг ажиллаж, алга болсон хүүхдийг гэрээсээ 15 километрт байрлах айлд байсныг олж тогтоосон байна. Хүүхдийг эсэн мэнд олж, ар гэрт нь хүлээлгэн өгөхөөр ажиллаж байгааг Цагдаагийн Ерөнхий Газраас мэдээллээ.