МАН-ын мөрийн хөтөлбөрийн 1.4.20. Нүхэн жорлонтой бүх цэцэрлэг, сургууль, дотуур байрыг орчин үеийн ариун цэврийн өрөөтэй болгож, хүүхдэд ээлтэй орчин бүрдүүлнэ…боловсролыг зээлийн сангийн хүртээмжийг сайжруулна, 200 шинэ сургууль барина… гэх мэтээр хүүхдийн сурах орчныг сайжруулах амлалт тусгасан ч алс сум суурингийн сургуулиудад хүүхдэд нүхэн жорлон, халаалтгүй орчинд суралцсан хэвээр байна.

2024 оны 1-р сарын мэдээгээр улсын хэмжээнд 820 сургууль нүхэн жорлонгийн асуудлаар шийдээгүй ажээ.

Тухайлбал Хөвсгөл аймгийн Улаан-Уул сумын сургууль бүх ангиа галлаж халаадаг бөгөөд ширээ, сандал, самбар зэрэг наад захын хэрэглээ бүгд хуучирч муудаж, эвдэрчээ. Уг сургуульд ХЭҮК-оос ажилласан байна.

“Монголд хүүхэд бүр чанартай боловсрол эзэмших орчин нөхцөл хангалттай бүрдээгүй байгааг судлаачид онцолдог. Зөвхөн сургууль, анги танхимын хүрэлцээ буюу дэд бүтэц талаас нь авч үзвэл өнөөдөр анги дүүргэлт улсын хэмжээнд бага сургуулийн нэг ангид дунджаар 30.3 хүүхэд, дунд ангид 26.9, ахлах ангид 30.3 сурагч суралцаж байгаа ч хот, хөдөөгийн зөрүү маш их байгааг "Алсын хараа 2050" хөтөлбөрт онцолжээ…”