Буриадын гаалийн Хиагт олон улсын шалган нэвтрүүлэх боомтын гаалийн газрын ажилтнууд автомашинд үзлэг хийх явцад таван гар утас илрүүлжээ. Тэдгээрийг Монгол Улсын иргэн автомашины урд талын самбарт байх хайрцгийн ард нууж ОХУ руу нэвтрүүлэхийг завдсан байна.

Монгол эмэгтэй тус таван утсыг Улаанбаатараас худалдаж авсан, Улаан-Үд хотод сурдаг ахдаа зориулж Орос руу авч явсан гэж тайлбарласан байна. Тэрээр “Гар утас олноор гаргахгүй гэх гаалийн хууль тогтоомжийг мэддэг байсан бөгөөд шалгалтын явцад олдохгүй гэж найдан утсаа зориудаар нуусан” гэжээ.

Сүүлийн хоёр жилийн хугацаанд гар утас нь гаалийн дүрэм зөрчин Орос руу оруулахыг оролддог хамгийн алдартай барааны нэг болсон гэж Гаалийн газрын дарга Вреж Татевосян мэдэгдэв.