Украины Ерөнхийлөгч Владимир Зеленский "Орос улстай хийж буй дайн ирэх онд дуусч магадгүй бөгөөд АНУ-ын Ерөнхийлөгчөөр сонгогдсон Дональд Трампын зөрчлийг зохицуулах саналыг хүлээж байна" гэж мэдэгджээ.

Тэрбээр Хүнсний аюулгүй байдлын асуудлаарх бага хурал дээр "Дайн хэзээ дуусах тухайд хэлэхдээ "Орос энэ дайныг дуусгахыг хүссэн үед, Америк илүү хүчтэй байр суурьтай байхад, дэлхийн өмнөд хэсэг Украины талд, дайныг зогсоох талд байгаа үед" гэж хэлснийг төрийн мэдээллийн “Укринформ” агентлаг уламжилсан байна.

Зеленский "Энэ нь мэдээж амаргүй. Гэхдээ бид ирэх жил үүнийг хийх бүрэн боломжтой гэдэгт би итгэлтэй байна. Африк, Ази, Арабын орнуудын удирдагчид саналаа нээлттэй илэрхийлж болно.

Мөн Америкийн Нэгдсэн Улсын шинэ ерөнхийлөгчийн саналыг сонсмоор байна. Бид нэгдүгээр сард тэдэнтэй уулзаж, энэ дайныг дуусгах төлөвлөгөө бэлэн болно гэж би бодож байна" хэмээн нэмж хэлжээ.

Эх сурвалж: CNN
Б.ЖАРГАЛ