Агаарын бохирдлыг бууруулах арга хэмжээний талаарх Ерөнхий хяналтын сонсгол хоёр өдөр үргэлжилж, төрийн байгууллага, шинжээч, судлаач, иргэний нийгмийн төлөөллийн 96 хүн оролцсон.

Үндэсний Аудитын газраас нээлттэй төсвийн мэдээллүүдэд дүгнэлт хийсэн байна. 2008-2023 онд агаарын бохирдлыг бууруулах чиглэлд нийт 1.8 орчим их наяд төгрөг зарцуулснаас 20.3 хувийг нь 2008-2016 онд, 63.6 хувийг 2021-2023 онд зарцуулжээ. Үүнээс 296 тэрбум төгрөгийн дүн бүхий 147 зөрчилтэй санхүүжилт илэрсэн байна.

Хяналт шалгалт дуусаагүй бөгөөд цаашид зориулалтын бус санхүүжилт нэмэгдэж магадгүй байгаа аж. Мөн Шүүх шинжилгээний ерөнхий газраас мэдээлснээр, 2017-2024 оны хооронд угаарын хийн хордлогоор нийт 779 хүн нас баржээ.

Э.ЭГШИГЛЭН