Дэд сайдуудаа авч үлдлээ
УИХ-ын чуулганы нэгдсэн хуралдаан үргэлжилж байна. Төрийн байгуулалтын байнгын хорооны хуралдаанаар дэд сайдуудын орон тоог хасах асуудлыг хэлэлцэх үеэр УИХ-ын дэд дарга Р.Гончигдорж дэд сайдуудын орон тоо байх шаардлагатай, хасагдвал Үндсэн хууль зөрчигдөнө гэсэн юм. Тиймээс дэд сайд нарын орон тоог хасч, зардлыг танах саналыг хэлэлцэх боломжгүй гэх зарчмын зөрүүтэй санал гаргасныг байнгын хорооны гишүүдийн олонх нь дэмжсэн. Төрийн байгуулалтын хорооны эцсийн хэлэлцүүлгийг УИХ-ын чуулганы нэгдсэн хуралдаанаар хэлэлцэж санал хураахад гишүүдийн олонхи буюу нийт 46 гишүүн ирснээс 35 нь дэмжиж дэд сайдуудаа авч үлдэхийг дэмжлээ.
Т.БАТСҮРЭН
Сэтгэгдэл