АНУ, БНСУ жил бүр зохион байгуулдаг хамтарсан цэргийн сургуулилт эхэллээ. Энэ сургуулилт гуравдугаар сарын 04-12-ны хооронд үргэлжлэх юм. Өмнөх жилүүдэд Key Resolve нэртэй байсан энэ сургуулилт “Тонмэн” гэсэн нэртэй болсон тухай Ёнхап агентлаг мэдээллээ.

АНУ болон БНСУ Солонгосын хойгийг цөмийн зэвсэггүй болгох зорилгоор цуврал цэргийн сургуулилтуудыг зогсоохоор тохиролцсон гэж өнгөрсөн ням гаригт Пентагон мэдээлж байсан юм.

Түүнчлэн АНУ-ын цэргийнхэн хамтарсан цэргийн сургуулилтын цар хэмжээг цомхон болгохоор төлөвлөж байгаа талаар саяхан WSJ сэтгүүл мэдээлж байв. Мөн Дональд Трамп энэ цэргийн сургуулилтыг өртөг хэт өндөр гэдгийг нэг бус удаа онцолж байлаа. БНСУ-ын талаас зардлыг харилцан зохистой байдлаар хуваах талаар АНУ-тай хэлэлцээр хийх гэж хэдэнтээ тохиролцох оролдлого хийжээ. Харин АНУ-ын базуудаас стратегийн зэвсэглэлүүдийг цургийн сургуулилт болох хойг дээр хүргэх бүхий л зардлыг Өмнөд Солонгос төлөхийг АНУ шаарддаг байсан юм.

Улмаар 2018 оны 06-р сарын 12-ны өдөр БНАСАУ-ын удирдагч Ким Жон Унтай уулзахдаа Дональд Трамп Хойд Солонгостой хийх хэлэлцээр зохих ёсоор явагдвал АНУ өртөг өндөртэй цэргийн сургуулилтуудыг зогсооно гэж мэдэгдэж байв.

Ийнхүү дээрх бүхий л үйл явдал, мэдээллүүдийн дараа энэ жилийн сургуулилт болохгүй нь гэж дэлхий нийт хүлээж байсан ч АНУ, БНСУ цэргийн сургуулилтаа нэрийг нь өөрчлөн, уламжлал ёсоор зохион байгуулахаар болжээ.

Б.АНАНД