АНУ-ын ерөнхийлөгч Дональд Трамп, Украины удирдагч Владимир Зеленский нар долдугаар сарын 4-нд утсаар ярьжээ. Зеленский "АНУ-ын Ерөнхийлөгч Дональд Трамтай Украины нөхцөл байдлын талаар "чухал, үр бүтээлтэй" ярилцлаа" гэж мэдэгдсэн байна. Түүний хэлснээр, ярилцлагаараа Украины "галын шугам" дээрх одоогийн нөхцөл байдал болон Оросын агаарын довтолгоонуудын талаар хэлэлцжээ.

Украины ерөнхийлөгч Х сүлжээнд "Бид агаарын довтолгооноос хамгаалах чиглэлээр хамтран ажиллах боломжуудын талаар ярилцаж, хамтран ажиллахдаа манай агаарын орон зайг хамгаалахад илүү хүчин чармайлт гаргах талаар зөвшилцлөө" гэж бичсэн байна.

Мөн хоёр улсын удирдагчид батлан хамгаалах үйлдвэрлэл болон хамтран үйлдвэрлэх боломжуудын талаар "дэлгэрэнгүй ярилцсан" аж. Владимир Зеленский "АНУ-тай шууд төсөл хэрэгжүүлэхэд бэлэн байна. Энэ нь аюулгүй байдлын хувьд, ялангуяа дрон болон холбогдох технологиудын хувьд маш чухал гэж үзэж байна" гэж онцолжээ.

Ярилцлагын явцад Зеленский Трампыг АНУ-ын Тусгаар тогтнолоо тунхагласан өдрийн баярын мэнд хүргэж, Украиныг дэмжиж байгаад талархаж байгаагаа илэрхийлсэн бөгөөд шударга, бат бөх, ёс зүйт ертөнцийг бий болгох үйлсэд оруулсан хүчин чармайлтыг нь өндрөөр үнэлсэн байна.

Эх сурвалж: DW
Б.ЖАРГАЛ