Австрийн Гадаад хэргийн сайд Беате Майнль-Райзингер Германы "Welt" сонинд өгсөн ярилцлагадаа "АНУ-ын Ерөнхийлөгч Дональд Трамп Оросын Ерөнхийлөгч Владимир Путинд Крымийн хойг болон Украины зүүн бүсийн зарим нутаг дэвсгэрийг тавган дээр тавьж өгч буй мэт хандсан" хэмээн мэдэгджээ.

Тэрбээр "Трамп нэг талаар Крым болон Украины зарим зүүн нутгийг Путинд цэнхэр хүрээтэй таваг дээр тавьж өгсөнтэй адил зүйл хийсэн" гэж хэлсэн байна. Сайд мөн "Америкийн удирдагч ирээдүйд Украиныг НАТО-д элсэхийг Оросын төлөө үнэндээ хориглосон" гэж хэлжээ.

Орос улс өнгөрсөн зургадугаар сарын 2-нд Украины талаар меморандум нийтэлсэн. Түүнд:

• Крым, Лугaнскийн Ардчилсан Бүгд Найрамдах Улс (ЛНР), Донецкийн Ардчилсан Бүгд Найрамдах Улс (ДНР), Запорожье, Херсон мужуудыг Оросын бүрэлдэхүүн хэсэг гэж олон улсын эрх зүйн хүрээнд хүлээн зөвшөөрөх;

• Украин улс нейтрал байдлаа тунхаглаж, цэргийн эвсэлд элсэхээ болих;

• Мөн Украины нутаг дэвсгэр дээр бусад улс орнуудын цэргийн үйл ажиллагааг хориглох гэсэн гол гол заалтууд тусгасан байна.

Эх сурвалж: RIA NOVOSTI, WELT
Б.ЖАРГАЛ