УИХ-ын гишүүн асан Ц.Цэрэнпунцаг, “Эрэл”-ийн Б.Эрдэнэбат, “Таван богд групп”, “Хаанбанкны эзэмшигч Ч.Баатарсайхан, ЦЕГ-ын дарга асанн Ж.Болд нарын хүүхдүүд олон нийтийн газар танхайрч, бусдыг бүлэглэн зодсон гэх мэдээлэл гарсан.

Яллагдагчаар татагдсан Б.Амарсайхан зодооны хэрэгт холбогдсоныхоо маргааш өглөө нь энэ сарын 20-нд буюу өнгөрсөн ням гаригт хилээр гарч явсан байдаг. Ингэхдээ хуулийнханд "Найз охины бие гэнэт муудсан. Зайлшгүй очих шаардлагатай байна. Энэ сарын 27-нд буцаж ирнэ" гэж хэлээд хил давсан аж. Иргэдийн зүгээс түүнийг хэрэгт холбогдсон этгээд хил давсан явдалд ихээхэн бухимдаж, хууль шүүх тэгш хандахыг шаардаж буй юм.

Тэгвэл хохирогчийн аав С.Дашзэвэг өөрийн цахим хуудастаа “Өнөөдөр долоодугаар сарын 28-ны өдөр. Амарсайхаан чи эр хүн шиг ирж биднээс уучлалт гуй, хариуцлагаа хүлээ. Зугтлаа гээд би чамайг мартахгүй ,зогсохгүй, цөхрөхгүй ш дээ. Ирэхгүй байсаар байгаад бүх хэрэг нь замхраад АМАРСАЙХАНДАА жаргажээ гэдэг үлгэрийг чамд хэн ч зохиож өгөхгүй шүү” гэжээ.