Улсын онцгой комиссын Шуурхай штабт 2020 оны 08 дугаар сарын 31-ний өдрийн байдлаар 2,640 албан бичгийг хүлээн авч шийдвэрлэсэн бөгөөд гамшгаас хамгаалах улсын албад, яам, агентлаг, төв, нутгийн нутгийн онцгой комисс, аж ахуйн нэгж байгууллагуудад нийт 2,175 албан бичгийг боловсруулж, хүргүүлсэн.

Мөн Монгол Улсын иргэдийг гадаад улс орнуудаас татан авах болон бусад асуудлаар 15,056 өргөдөл, гомдлыг хүлээн авч, дүн шинжилгээ хийж 9,213 иргэний өргөдлийг цахим бүртгэлд оруулсан.

Улсын онцгой комисс болон шуурхай штабаас гаргасан шийдвэр, бусад холбогдох мэдээ, мэдээллийг иргэдэд түгээх, төлбөр тооцоо, бусад мэдээлэл өгөх зорилгоор 1800-1105, 318277, 263554 тусгай дугаарын утсыг 24 цагаар ажиллуулж, нийт 76,082 дуудлага, гомдол мэдээллийг хүлээн авч, холбогдох мэдээллээр ханган ажиллаж байна.

Монгол Улсын Шадар сайдын Ажлын алба