“Төвийн бүсийн хурд-2025” хурдан морины уралдааныг энэ сарын 9-нд Увс аймагт зохион байгуулах юм байна.

Бүртгэл энэ сарын 8-ны 08.00-20.00 цагийн хооронд явагдах бөгөөд уралдаан болох өдөр морь бүртгэхгүй ажээ. Энэ нь Увс аймгийн 2025 оны анхны уралдаан юм байна.

Нас насны түрүү морьдыг алтан медаль, өргөмжлөл, мотоцикл, нөмрөгөөр шагнах бол аман хүзүүг мөнгөн медаль, өргөмжлөл, нөмрөг, мөнгөн шагналаар, айрагдсан морьдыг хүрэл медаль, өргөмжлөл, нөмрөг мөнгөн шагналаар тус тус шагнах ажээ.

Сонгомол гурван насны түрүү морьдыг алтан медаль, өргөмжлөл, нөмрөг, мөнгөн шагналаар, аман хүзүүг мөнгөн медаль, өргөмжлөл, нөмрөг, мөнгөн шагналаар, айрагдсан морьдыг медаль, өргөмжлөл, нөмрөг, мөнгөн шагналаар шагнахаар төлөвлөжээ.

Их нас, азарга, соёолонг 50 мянган төгрөгөөр бүртгэх бол хязаалан, шүдлэн, даагыг 30 мянган төгрөгөөр, сонгомол гурван насны морьдыг 50 мянган төгрөгөөр бүртгэх аж

Уралдааны морьдыг бүртгүүлэхдээ уралдаанч хүүхдийн төрсний гэрчилгээг эцэг эхтэй нь хийсэн гэрээний хамт авч очих юм байна.

Б.ЖАРГАЛ