БНХАУ-ын дарга Си Жиньпин энэ долоо хоногт Москвад хийж буй айлчлалынхаа үеэр ОХУ-ын Ерөнхийлөгч Владимир Путинтэй "Сибирийн хүч 2" хийн хоолой барих асуудлыг дахин хэлэлцэхээр тохиролцсон байна.

“Bloomberg” агентлаг тавдугаар сарын 7-ны лхагва гарагт “Хятад улсыг Оросоос жил бүр 50 тэрбум шоо метр хий нэмж худалдаж авахыг ятгах Путины олон жилийн оролдлого үр дүнд хүрээгүй ч Бээжин одоо тодорхой үнээр хэлэлцээ хийхэд бэлэн байна” гэж мэдээлжээ.

Нэгэн эх сурвалж “Bloomberg”-т мэдээлэхдээ “Хятадын эрх баригчид өнөөдрийг хүртэл баригдаж амжаагүй байгаа “Сибирийн хүч 2”-оор дамжуулах хийгээ Оросын дотоодын үнээр борлуулахыг шаардаж байсан ч энэ удаагийн айлчлалын үеэр өндөр үнээр хэлэлцээ хийж магадгүй” гэсэн байна.

"Сибирийн хүч" анх 2019 онд ашиглалтад орсон бөгөөд өнгөрсөн оны арванхоёрдугаар сар гэхэд жилд 38 тэрбум шоо метр хий нийлүүлэх хүчин чадалтай болжээ.

Оросуудын тооцоогоор “Сибирийн хүч 2” хийн хоолой баригдсанаар Ямал ордоос 50 тэрбум шоо метр хий нийлүүлэх боломжтой болох аж. Төлөвлөгөө ёсоор тус хийн хоолой Монголын нутгаар дамжин өнгөрч, Хятад руу очих ёстой.

Орос улс Украины эсрэг дайны өмнө жил бүр 150 тэрбум шоо метр шатахуун нийлүүлж байсан Европын зах зээлийн алдагдлыг нөхөхийг оролдож байна гэж гаднын агентлагууд мэдээлжээ.

Эх сурвалж: DW
Б.ЖАРГАЛ