Энэ сарын 29-ний өдөр буюу өчигдөр хөдөлмөр аюулгүй хамгааллын журам зөрчснөөс болж том оврын машины жолооч өөрийн машинаа засаж байгаад дарагдаж, нас барсан харамсалтай хэрэг гарчээ.

Тодруулбал, өчигдөр 17:45 цагт Баянгол дүүргийн гуравдугаар хороо нэгэн байгууллагын хашаанд том оврийн машины жолооч машиндаа дарагдаж нас барсан байна. Уг дуудлагын дагуу тус дүүргийн цагдаагийн бүрэлдэхүүн хэргийн газарт очиж шалгахад тус хороонд оршин суух хаягтай эрэгтэй 54 настай Б нь том оврын “Волво” маркийн машины зүүн урд дугуйнд дарагдаж нас барсан байжээ. Энэхүү хэргийг Баянгол дүүргийн цагдаагийн нэгдүгээр хэлтэст материалжуулан шалгаж байна.