Гэмт хэргийн улмаас 29308 иргэн, 85 хуулийн этгээд хохирч, үүнээс 926 хүн нас барж, 8080 хүн гэмтсэн нь өмнөх оны мөн үетэй харьцуулбал, нас барсан хүний тоо тав буюу 0.5 хувиар, гэмтсэн хүний тоо 357 буюу 4.2 хувиар тус тус буурсан байна.

Нас барсан иргэдийн 182 буюу 19.7 хувь нь хүн алах гэмт хэргийн золиос болж, 54 буюу 5.8 хувь нь бусдын болгоомжгүй байдлаас болж амь насаараа хохирчээ. 324 буюу 35.0 хувь нь авто ослын гэмт хэргийн улмаас тус тус нас баржээ. Гэмтсэн иргэдийн 6846 буюу 84.7 хувь нь бусдын биед гэмтэл учруулах гэмт хэргийн улмаас хохирсон байна.