Эрсдэлтэй орнуудаас ирсэн 750 гаруй иргэнийг тусгаарлажээ

Н.Алтанцэцэг / Эрүүл мэнд

Монгол Улсын гурван иргэн КОВИД-19 шинэ төрлийн коронавирусний халдвар авсан талаар Эрүүл мэндийн яам өчигдөр орой /2020.03.16/ албан ёсоор мэдээлсэн. Дээрх иргэдийн хоёр нь БНСУ-аас, нэг нь Герман улсаас энэ сарын 15-нд Сөүл-Улаанбаатар, Берлин-Москва-Улаанбаатар чиглэлийн тусгай үүргийн онгоцоор Улаанбаатарт ирсэн иргэд юм.

Өнгөрсөн өдрүүдэд БНСУ, ОХУ, Япон, Герман зэрэг орнуудаас тусгай үүргийн онгоцоор ирсэн 750 гаруй иргэнийг нэг бүрчлэн тусгаарласан талаар Улсын Онцгой комисс /УОК/-оос мэдээллээ