Д.Эрдэнэбат: Ерөнхий сайдын мэдэгдэл, Сангийн сайдын хийсэн мэдээлэл хоорондоо маш их зөрчилтэй байна
УИХ дахь АН-ын зөвлөлөөс эдийн засгийн хүндрэлийг даван туулах арга хэмжээний тухай тогтоолын төслийг боловсруулан, хэлэлцүүлэх саналаа Ерөнхий сайд, УИХ-ын даргад хүргүүлсэн. Энэ талаар өнөөдөр АН-ын зөвлөлийн зүгээс мэдээлэл хийлээ.
УИХ дахь АН-ын зөвлөлийн дарга Д.Эрдэнэбат: "Коронавирусын гамшгаас урьдчилан сэргийлэх асуудлаар тогтоолын төсөл боловсруулж, УИХ-д өргөн мэдүүлэхээр шийдвэрлэсэн. АН-ын зөвлөлийн бүх гишүүд тогтоолын төслөө УИХ-д өргөн барих гэж цаг тогтсон боловч УИХ-ын Тамгын газар, УИХ-ын дарга хүлээн авахаас татгалзлаа. Гамшиг эрсдлийн үед улс төрийн намууд улс төржихгүй байя, хамтарч ажиллая гэж ярьчихаад АН-ын саналыг хүлээн авахаас татгалзаж байгаа нь байж боломгүй зүйл. Эрх баригчид энэ асуудалд өөрийнхөө дураар хандаж байна. Ерөнхий сайдын хийсэн мэдэгдлийн долоон зүйл, Сангийн сайдын хийсэн мэдээлэл хоорондоо маш их зөрчилтэй байгаа. Ам, ажил нь зөрүүтэй байгаа нь сонгуулийн өмнөх шийдвэр шиг харагдаж байна. Өнөөдөр эдийн засгийн эрсдлээс хамгаалах цэгцтэй бодлого байхгүй байгаа. Эрх баригчид бүх талын шаардлагыг хүлээж авч, авах арга хэмжээндээ бидний саналыг тусгах ёстой гэж харж байна.
Экспортын орлого маш их хэмжээгээр тасарч байна. Өмнө нь 500 гаруй машин нүүрсний тээвэрт явдаг байсныг 40-хөн машин явуулчихаад экспорт гарч байна гэж шоудаж болохгүй. Тиймээс бид өмнө нь хүргүүлсэн УИХ-ын тогтоолын төслөө дахин хүргүүлнэ" гэв.
АН-аас таван багц, 38 арга хэмжээг тогтоолын төсөлд тусгасан бөгөөд хамгийн түрүүнд 2020 оны төсвийг яаралтай тодотгох ёстой гэж үзэж байгаа юм байна.
Сонгуулийн тухай хууль зөрчсөн Монгол Улсын Ерөнхий сайд Л.Оюун-Эрдэнэд зөрчлийн хэрэг үүсгэн шалгаж байна
Ялалтын баярын парадад 9 мянга гаруй цэргийн албан хаагч, 75 нэгж цэргийн техник болон нисэх онгоцууд оролцжээ
1942 онд 19-хэн настайдаа Монголын ард түмний бэлгийг дайны талбарт хүргэсэн Фронт Цэгмидийг бид мартах учиргүй
МАН-ын мөрийн хөтөлбөрийн заалтуудаас
Сонгуулийн өмнө хөрөнгө мөнгө зарсан том төслүүдийг эхлүүлэхгүй байхыг уриалж байна
Аугаа их Ялалтын баяр өнөөдөр тохиож байна
Нүхэн жорлонгоос салаагүй 800 сургууль байна
БНХАУ-ын дарга Ши Жиньпиний Серби улс дахь албан ёсны айлчлал эхэллээ
Реалити шоуны оролцогч биш Төрийн түшээ сонгоно шүү дээ, таминь!
ЗААВАР: Гадаад улсад амьдарч буй монгол иргэд сонгуульд хэрхэн оролцох вэ?