“2019-nCoV Assay” үндсэн оношлуураар шинж тэмдэг далд үед халдварыг илрүүлэх боломжтой

Барилга, үйлчилгээний чиглэлээр 20 гаруй жилийн хугацаанд үйл ажиллагаа явуулж буй “Сөүл групп” компанийн хамт олон өнөөдөр Улсын Онцгой комисст 1000 ширхэг хамгийн сүүлийн үеийн оношлуурыг хандивлалаа. БНСУ-ын Seegene компанийн үйлдвэрлэн гаргасан “2019-nCoV Assay” үндсэн оношлуурыг коронавируст халдварыг оношлоход хамгийн найдвартай төхөөрөмж хэмээн АНУ, ОХУ зэрэг дэлхийн улс орнууд нэвтрүүлээд байна. “Сөүл групп” компанийн захирал Д.Өнөрболор “Монголын төр засгийн зүгээс аюулт өвчний эсрэг үйл ажиллагааг бүх бололцооныхоо хирээр маш сайн явуулж байна. Миний бие гурван хүүхэдтэй ээж хүн, Монгол Улсын иргэний хувьд зүгээр хараад сууж чадсангүй. Дэлхийн улс орнууд хэрэглэж байгаа “2019-nCoV Assay” сайн чанарын энэхүү оношлуурыг авчрахад бидэнд тийм ч амар хялбар байгаагүй. Тусламжийн гараа сунгаж байгаа бүх байгууллага, хүмүүст баярлаж, талархаж байгаагаа илэрхийлье” гэсэн юм.
Өнөөдөр уулзалтанд МУИС-ийн Генийн инженерчлэлийн лабраторийн эрхлэгч эрдэмтэн, доктор О.Одгэрэл оролцсон. Тэрээр дээрх оношлуурын талаар “Дэлхийн улс орнууд төрөл бүрийн оношлуурыг үйлдвэрлэн хэрэглэж байна. Бусад оношлуур хоёр генийг илрүүлдэг бол энэхүү оношлуурын хувьд гурван генийг илрүүлдэг. Хамгийн гол нь тухайн хүн коронавируст халдварын тээгч болсноо мэдэхгүй, ямар нэг шинж тэмдэг илрээгүй далд үедээ байсан ч халдварыг илрүүлдэг оношлуур юм” хэмээн онцоллоо.
Уг оношлуурыг Seegene компанийн үйлдвэрлэн гаргасан машинд уншуулдаг. Манай улс өмнө нь ДОХ-ын чиглэлээр дээрх машиныг авч байсан учраас энэхүү оношлуурыг бүрэн ашиглах боломжтой. Тэр хэрээр коронавируст халдварын оношлуур, хүртээмж сайжирч байгаа талаар ХӨСҮТ-ийн дарга Д.Нямхүү танилцууллаа. Монгол Улсын Шадар сайд Ө.Энхтүвшин “Сөүл групп”-ын хамт олны хандивласан 1000 оношлуур, Монголд суугаа Солонгос иргэдийн нийгэмлэгийн хандивласан 2000 оношлуур нийт 3000 ширхэг оношлуурыг ХӨСҮТ-д хүлээлгэн өгсөн юм. Тэрээр “Энэ цаг үед бид хоорондоо нягт харилцаа холбоотой хамтран ажиллах тэр дундаа эрдэмтэд, эмч нарын багтайгаа улам ойр ажиллах шаардлагатай байна. Бидэнд хамгийн сүүлийн үеийн оношлуур, апарат байна. Харин одоо тархалтыг нэмэхгүй байх, халдварын онош батлагдсан иргэдээ бүрэн эмчилж хамтын хүчээр энэ бүхнийг даван туулах нь чухал байна” хэмээн онцоллоо гэж Монгол Улсын Шадар сайдын Ажлын албанаас мэдээллээ.
Лам нартай харьцаанд орж, зураг бичлэгээ ашиглан шантаажилж, мөнгө авдаг эмэгтэйг баривчилжээ
АНУ-ын генерал "НАТО Калининградын бүс нутгийг 'газрын хөрснөөс арчиж устгах' боломжтой" гэж мэдэгджээ
Цэргийн алба хаагч 5011 км замыг 95 хоногт туулж, "Хэт холын зайн марафон гүйлт"-ийн шинэ дээд амжилт тогтоов
Азаров: Мөргөлдөөн дууссаны дараа Украин 185 тэрбум ам.долларын өрөө эргүүлэн төлнө
Трамп: "Coca colа" гол найрлагаа өөрчилнө, илүү амттай
Г.Занданшатар: Эрчим хүчний салбар өртөг зардлаа бууруулж, үр ашгаа нэмэгдүүлсний дараа үнэ тарифын асуудлыг ярих ёстой
Сергей Безруков: Түүх, соёл, үнэт зүйлсийг минь үгүйсгэх оролдлогууд гарч буй ч бидний эх оронч сэтгэл хэзээ ч хувирашгүй
Ерөнхий сайд Г.Занданшатар "ДЦС-3" ТӨХК-д ажиллаж, онцгой дэглэмийн хүрээнд өгсөн үүрэг, даалгаврын биелэлттэй танилцлаа
Монгол Улсын Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийнэ
Улсын гарди Н.Өсөхбаярыг нутгийн зон олон нь гурван өрөө байраар мялаажээ