Цаг агаарын аюултай үзэгдлээс сэрэмжлүүлж байна!

Aдмин / Нүүр

Дохио!!! Цаг агаарын аюултай үзэгдлээс сэрэмжлүүлэх мэдээ: Өнөө шөнө Архангай, Өвөрхангайн нутаг, Булган, Сэлэнгийн өмнөд, Төв аймгийн баруун хэсгээр, өдөртөө Төв аймаг, Хэнтийн өмнөд, Дундговь, Дорноговийн хойд хэсгээр цасан шуурга шуурна.

Өнөө шөнө Баянхонгорын нутаг, Өмнөговийн баруун хэсгээр, маргааш өдөр Өмнөговийн зүүн, Дундговь, Дорноговийн өмнөд хэсгээр салхи секундэд 18-20 метр хүрч ширүүснэ.

Малч­ид, иргэд, тариаланчдын анхааралд: Өнөө шөнө төвийн аймгуудын нутгаар, маргааш өдөр нутгийн зүүн хагаст цас орж, цасан шуурга шуурч, хүйтэрч, халтиргаа гулгаа үүсэж зам даваа хаагдаж болзошгүйг онцгойлон анхааруулж байна.

2020 оны 10 дугаар сарын 19-ний 20 цагаас 10 дугаар сарын 20-ны 20 цаг
хүртэлх цаг агаарын урьдчилсан мэдээ

Хур тунадас: Нутгийн баруун хагаст үүлэрхэг, бусад нутгаар үүлшинэ. Шөнөдөө баруун аймгуудын нутгийн зүүн хэсэг, төвийн аймгуудын ихэнх нутгаар, өдөртөө төвийн аймгуудын нутгийн зүүн хэсэг, говийн аймгуудын нутгийн хойд хэсэг, зүүн аймгуудын нутгийн зарим газраар цас орж, цасан шуурга шуурна.

Салхи: Нутгийн баруун хагаст баруун хойноос, нутгийн зүүн хагаст баруун өмнөөс баруун хойш эргэж секундэд 9-14 метр, нутгийн өмнөд хэсгээр секундэд 18-20 метр хүрч ширүүсч шороон шуурга шуурна.

Агаарын температур: Шөнөдөө Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 14-19 хэм хүйтэн, говийн бүс нутгийн өмнөд хэсгээр 1 хэм хүйтнээс 4 хэм дулаан, бусад нутгаар 2-7 хэм хүйтэн, өдөртөө хүйтэрч Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 2-7 хэм хүйтэн, говийн бүс нутгийн зүүн хэсэг, Дорнод-Дарьгангын тал нутгаар 8-13 хэм дулаан, бусад нутгаар 3 хэм хүйтнээс 2 хэм дулаан дулаан байна.

УЛААНБААТАР ХОТ ОРЧМООР: Үүлшинэ. Цас орно. Салхи баруун өмнөөс баруун хойш эргэж секундэд 6-11 метр, зарим үед секундэд 13-15 метр хүрч ширүүсч, цасан шуурга шуурна. Шөнөдөө 3-5 хэм, өдөртөө хүйтэрч 1-3 хэм хүйтэн байна.

2020 оны 10 дугаар сарын 21-нээс 10 дугаар сарын 25-ныг
хүртэлх цаг агаарын урьдчилсан төлөв

21-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 24-нд баруун аймгуудын нутгийн баруун хэсгээр цас орж, цасан шуурга шуурна. Салхи 21-нд говь, талын нутгаар, 24-нд Алтайн салбар уулсаар зарим үед секундэд 15-17 метр хүрч, шороон шуурга шуурна. 22-нд баруун аймгуудын нутгаар, цаашдаа ихэнх нутгаар өдөртөө дулаарч Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр шөнөдөө 6-11 хэм хүйтэн, өдөртөө 3-8 хэм, говийн бүс нутгийн өмнөд хэсгээр шөнөдөө 0-5 хэм, өдөртөө 13-18 хэм дулаан, бусад нутгаар шөнөдөө 0-5 хэм хүйтэн, өдөртөө 7-12 хэм дулаан байна.


Сэтгэгдэл

Зочин [59.153.113.168] 2020-10-21 00:01:05

Ажил хийхээсээ хуурч мэхэлдэг нь бий. Гэхдээ ажил олгогчын байр суурь. Ялагуяа болвсон хүчин тэдний туршлага, мэдрэмжээс их зүйл шалтгаална.Ямар байранд хэнийг авах вэ? Энэ хүнтэй ямар өнцөгөөс ярилцах вэ гэдэгээ мэдэхгүй HR ууд олон бий. Үүнээс үүдээс аль аль талууд үл ойлголцох асуулал их гардаг.

Зочин [78.119.154.135] 2020-10-20 22:22:36

Saihan yumaa tsan qhuurga shuuraad

зочин [103.212.118.202] 2020-10-20 15:41:58

Манайханд маш буруу нэг хандлага байгаа эхлээд шууд цалингаа асууна сөргүүлээд та юу хийж чадах вэ ийм ийм ажил байна гэхээр чадвартай мэргэшсэн хүн тун цөөн ойр зуур хэдэн тоосго хөдөлгөөд ахиухан авах дуртай тэгээд бас санаагаараа хийнэ гэж байхгүй хянагчтай бол жаахан хөдөлнө үгүй бол тамхи татаад худлаа сууж цаг ална би ийм ажлыг ингэж хийнэ үүндээ би ийм цалин авья гэх хүн өдрийн од шиг цөөн нэг юмыг хийе дуусгая гэх нь ховор байна хаана хаанаа л бодмоор шүү Гараад явхаараа бол амиа алдахгүй хийгээд өгнө ядахнаа цалинг нь 7 хоногт өгөөд байгаа болхоор урамшдаг байх талтай

Зочин [103.80.210.183] 2020-10-21 10:21:11

цалингаа эрт тохирсон нь дээ. Хүний нөөцүүд гэж гадны хооосон үг цээжилсэн тэнэг хүмүүс байх юм.: ямар ажилд ямар чадвар хэрэгтэй г ч мэдэхгүй нэг их мэдэмхийрсэн хэнхэг хүмүүсийг сайн гэж ойлгоод байдаг юм. өөрсдөө баар саваар хэсэгч кароакечин гараад хүний нөөц хийдэг байх шүү.

unshigch [59.153.115.254] 2020-10-20 09:19:40

Untah noirnoosoo sereech. Shine medeelel taviach


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.