Э.Улсболд: Бид 100% ашгийн төлөө бус, харин сайн хөтөлбөрийн дагуу боловсрол мэдлэг олгохын төлөө ажилладаг

Aдмин / Боловсрол

U ACADEMY Online School

Хөл хорио цар тахлын энэ үед та хүүхдээ цаг үргэлж хөгжүүлж, мэдлэгийн хүрээг нь тэлж байх ёстой. Хамгийн үр ашигтай, хамгийн аюулгүй хүүхэддээ мэдлэг олгох арга бол энэ цагт онлайн сургалт мөн. Монголд олон улсын жишгийн дагуу мэргэжлийн багш нар таны хүүхдийн сонирхолд нийцүүлэн онлайн сургалт явуулж эхэллээ. “U Academy Online School”-д англи, солонгос хэл, шатар, төгөлдөр хуур зэрэг олон төрлийн хичээлийг мэргэжлийн чадварлаг багш нар чанарын өндөр түвшинд онлайнаар зааж байна. Та бүгд www.uacademy.mn энэ холбоосоор орж хичээлүүдээ үзээрэй.

image

Сургалтыг чанартай хөтөлбөрийн дагуу явуулж байгаагийн зэрэгцээ насны хязгааргүй тул нэг гишүүн бүртгүүлснээр гэр бүлийн бүх гишүүд хамт сурч боловсрох, цагийг үр дүнтэй өнгөрүүлэх боломжтой. Түүнчлэн сурагчид гэрээсээ болон өөр хаанаас ч холбогдож, хүссэн цагтаа хүссэн хичээлээ үзэх боломжтой бөгөөд хамгийн хямд үнэтэй гэдгээрээ онцлог юм. Ингээд тус онлайн сургуулийн үүсгэн байгуулагч, багш Э.Улсболдтой хийсэн ярилцлагыг хүргэж байна.

-Юуны өмнө та өөрийгөө товч танилцуулаач?

image

Намайг Улсболд гэдэг. Би ахлах болон дээд боловсролоо АНУ-д дүүргэсэн. Боловсрол мэдлэг бол дэлхийг аврах цор ганц зүйл гэдэг үзэл бодолтой. Тиймдээ ч амьдралынхаа турш төрөл бүрийн чиглэлээр өөрийгөө хөгжүүлж ирсэн. Одоо өөрийн мэдэж авч хуримтлуулсан мэдлэгээ дэлхийн түвшний хөтөлбөртэй уялдуулан Монголчууддаа хүргэх зорилготой U Академи Цахим Сургуулийг үүсгэн байгуулсан.

-“Ковид-19” цар тахлын улмаас хөл хорио тогтоогоод байгаа энэ цаг үед онлайн сургалтыг хэр үр дүнтэй гэж Та үзэж байна вэ?

Маш үр дүнтэй. Ер нь цар тахлын үед ч биш, орчин үед цахим боловсрол дэлхий нийтэд хүчээ авч байгаа. Энэ нь техник технологийн хурдацтай хөгжил, Интернэтийн хэрэглээ хором бүр өсч байгаатай холбоотой. Манайхан онлайн сургалт гэхээр л хийсвэр зүйл, үр дүн багатай гэж боддог. Харин ч эсрэгээрээ цахим сургалт цаг хэмнэнэ, багш сурагчийн анхаарал зөвхөн тухайн хичээл дээр төвлөрнө, нэг үзсэн хичээлээ ойлгоогүй байлаа гэхэд дахин давтан үзэх боломжтой, мөн орон зай цар хүрээний хувьд хязгааргүй гэдэг хамгийн том давуу талтай. Монголд байгаа хүн зүгээр л гэртээ компьютерийн ард сууж байгаад хаа байсан Америкт байгаа Харвардын Их Сургуулийн хичээлийг цахимаар сурах боломжтой болсон цаг үе. 20, 30 жилийн өмнө гэхэд л ийм зүйл боломжгүй байсан шүү дээ. Танхимын хичээлээс ийм давуу талуудтай байгаа.

-Танай сургалтаар ямар ямар төрлийн хичээл заадаг вэ?

Одоогоор Англи хэл, Төгөлдөр хуур, Шатар, Солонгос хэл, Программ хангамж гэх зэрэг олон хичээлүүд байгаа.

image

-Онлайн сургалтанд хүүхдээ сургасны ач холбогдол юу вэ? Хэр үр дүнтэй гэж та үзэж байна? Танай сургалт бусад онлайн сургалтуудаас юугаараа онцлог, ялгаатай вэ?

Нэгдүгээрт, Чанар болон чадварлаг багш нар манай хамгийн том давуу тал. Мөн олон улсад хүлээн зөвшөөрөгдсөн маш сайн цогц хөтөлбөрүүдтэй. Төгөлдөр хуур гэхэд л мэргэжлийн сургуульд үзэх бүх онол, практикийг багтаасан хөтөлбөр байгаа.

Хоёрдугаарт, чанартай мөртлөө төлбөрийн хувьд байж болох хамгийн доод үнийг тогтоохыг зорьж байгаа. Яагаад гэвэл бид 100% ашгийн төлөө ажилдаггүй, харин аль болох олон хүнд энэ сайн хөтөлбөрүүдийн дагуу боловсрол мэдлэг олгохын төлөө ажилладаг. Тэгэхээр манай төлбөр ихэнх хүмүүс ямар нэг дарамтгүйгээр төлж чадахуйц хэмжээнд байх ёстой гэж үзэж байгаа.

Гуравдугаарт, хичээлүүдийн хийц загвар сайн. Техник, технологийн хөгжлийг ашиглан маш энгийн, үзэмжтэй бөгөөд сурагчдад сонирхол төрүүлэхүйц агуулгатай хичээлүүд байдаг.

image

-Танай сургалтын ямар төрлийг хүүхдүүд илүү сонирхон суралцаж байна вэ?

Манай бүх хичээлүүд ерөнхийдөө хүүхдийн сонирхлыг татахуйц сэдвүүд, дээрээс нь манайх бүх хичээлээ багцаар үзэх эрх олгодог тул бүх хичээлүүдийг маань л сурагчид сонирхон судалж байгаа. Үүнээс заавал нэгийг нь сонго гэвэл би Төгөлдөр хуурын сургалтаа магтмаар байна. Бусад хичээлийг бодвол олон хэрэгсэл ашиглаж ордог, багшаас илүү их ур чадвар шаарддаг. Гэсэн ч үүний үр дүнд маш олон сурагчидтай.

-Хүмүүс хүүхдүүдээ яагаад онлайн сургалтанд хамруулах хэрэгтэй вэ?

Дээр хэлсэнчлэн орон зайн хязгаарт баригдахгүй. Яг хүссэн сургалтандаа хаанаас ч хамрагдах боломжтой. Хөдөө орон нутагт гэхэд л янз бүрийн сургалтууд ховор байдаг шүү дээ, тийм бол орон нутгаас ч гэсэн манай сургалтанд хамрагдаж өөрийгөө хөгжүүлэх боломжтой. Мөн гадуур түгжрэлд цаг үрэх хэрэггүй, хүүхдээ хаана юу хийж байгааг хянах боломжтой, нэг үгээр хэлбэл илүү аюулгүй гэсэн үг.

-Танайх өөрийн сургалттай ижил төстэй олон улсын сургалт, хөтөлбөрийг судалж тэр дагуу сургалтаа явуулдаг гэж ойлгож болох уу?

Ерөнхийдөө тийм, суралцах зүйлээ суралцаад, зарим зүйлийг өөрсдөө шинээр сэтгэж, бий болгож ажиллахыг илүүд үздэг.

-Онлайн сургалтанд хамгийн идэвхтэй сайн суралцаж байгаа суралцагчийн талаар жишээ татна уу?

Зөндөө сурагчид байгаа. Манай бүх сурагчид маш идэвхитэй, суралцах хүсэлтэй хүүхдүүд байдаг. Үр дүн нь нүдэн дээр л харагддаг. Нэг явж эхлэсэн бол заавал үргэлжлүүлэн явдаг. Гол нь эцэг эхийн анхаарал, хүүхдийн бие даах чадвар чухал. Манай пейж хуудасруу ороод сурагчдын талаар, манай үйл ажиллагааны талаар мэдээлэл авч болно.

-Цаашид сургалтаа өргөжүүлэх төлөвлөсөн хэтийн төлөвлөгөө бий юу?

Байлгүй яахав. Маш том зүйлүүд төлөвлөсөн байгаа. Олон улсын тавцанд бас гарах төлөвлөгөө байна. Тэр хүртэл та бүгд биднийг маш сайн дэмжээрэй.

image


Сэтгэгдэл

ZAP [202.9.40.50] 2021-05-05 13:08:32

ZAP [202.9.40.50] 2021-05-05 13:08:32

Зочин [66.181.160.98] 2020-12-28 13:19:22

Маш их таалагдаж байна. Баярлалаа. Хамгийн гол нь үнэ боломжийн сайхан байна шүү

Zochin [139.5.217.128] 2020-12-18 04:38:01

Nic

Зочин [202.9.46.1] 2020-12-17 15:08:27

Амжилт хүсье. Нуугдсан эрдэнэ гэж энэ бх. Иймэрхүү залуус л улсаа хөгжүүлнэ дээ.

зочин [202.179.24.30] 2020-12-17 12:44:05

Хаана байдаг юм бол хаяг

Зочин [202.126.89.216] 2020-12-17 14:13:30

Онлайн гэж байхад даа. Интернетэд байдаг гэсэн үг.

Зочин [202.179.8.4] 2020-12-17 12:06:01

амжилт хүсье

Дөшиннис [75.159.156.205] 2020-12-17 11:48:44

Маш сайхан үйлс байна. Амжилт хүсьё.


9 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
9 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.