Нүүрсний хулгайн хэрэгт нэр холбогдож яллагдагчаар татагдсан Хөдөлмөр, нийгмийн хамгааллын сайд асан Т.Аюурсайхан, "Эрдэнэс тавантолгой" ХК-ийн гүйцэтгэх захирал асан Б.Ганхуяг нарын 11 хүнд холбогдох хэргийн гэм буруугийн шүүх хурал маргааш /2023.09.28/ болно.

Шүүх хурлыг Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхэд 14:00 цагаас товлоод байна.

Тэднийг авлига авсан, эрх мэдэл албан тушаалын байдлаа ашигласан, үндэслэлгүйгээр хөрөнгөжсөн, зохион байгуулалттай гэмт бүлэглэл байгуулсан гэх зэрэг хэд хэдэн үндэслэлээр ял тулгаад байгаа юм.