Улсын хэмжээнд сэтгэл зүйч мэргэжилтэй 150 гаруй эмч ажиллаж байна. Хүний нөөцийн хувьд хүртээмж муутай, сэтгэл зүйч мэргэжилтэн дутагдалтай байна. Монгол Улсын хэмжээнд 2013-2019 онд 11,746 хүнийг хамруулсан судалгаагаар сэтгэл түгших эмгэг 18.4, органик бус нойрны эмгэг 17.5, архаг ядаргаа 16.2, тайлбарлаж боломгүй биеийн зовуурь шаналгаа 11.9, архинд донтох эмгэг 6.4, сэтгэл гутрах эмгэг 6.2 хувийг эзэлж байна.