Засгийн газрын ээлжит хуралдаанаар үргэлжилж байна. Тус хуралдаан дээр Зам, тээврийн сайд Б.Дэлгэрсайхан экспортын нүүрс тээвэрлэлтийг эрчимжүүлэх талаарх саналаа танилцуулжээ.

Гүйцэтгэх засаглал "Тавантолгой нүүрс ачих логистикийн төв"-ийн байгууламжийг бүрэн ашиглалтад оруулж, бүрэн хүчин чадлаар нь ажиллуулах нөхцөл бүрдүүлэх, “Эрдэнэс Тавантолгой” ХК-д үүссэн хүндрэл, хүнд суртлыг арилгах, нүүрсний экспортыг нэмэгдүүлэх зорилгоор тус компанид Онцгой дэглэм тогтоож, Бүрэн эрхт төлөөлөгчдийн баг ажиллуулахаар шийдвэрлэсэн байна.

Бүрэн эрхт төлөөлөгчдийн багт Зам, тээврийн яам, Аж үйлдвэр, эрдэс баялгийн яам, Сангийн яам, Эдийн засаг, хөгжлийн яамнаас төлөөлөл оруулах ажээ.

Б.ЖАРГАЛ