БАГА ЗЭРГИЙН БОРООТОЙ 22 ХЭМ ДУЛААН БАЙХ НЬ

Хүүхдийн хэл яриаг зүгшрүүлэх ном

Хүүхдийн ном том том, өнгө өнгийн зурагтай хэрнээ бичвэр багатай байдаг нь хүүхдийн төсөөлөн бодох чадвар, орон зай, гоо зүйн мэдрэмжийг хөгжүүлдгээс гадна өөр нэгэн чухал шалтгаантай...

Зурагт ном хүүхдийг багаас нь хэл яриа, харилцааны өндөр чадвартай болгоход маш чухал үүрэгтэй (Стифтанг Лэсэн, 2009). Өөрөөр хэлбэл зурагт номын зургаас хүүхэд олон зүйл олж харж, ойлгодог бөгөөд ингэснээрээ энэхүү "нээлтийнхээ" талаар ярих хүсэл нь өөрийн эрхгүй төрдөг байна. Тэр үед нь та хүүхдээсээ "чи юу харж, ойлгож байна байна?" хэмээн асуугаад үзээрэй.

Мөн зурагт номыг үзэж, ярилцаж, үг, өгүүлбэр авиа сонсох явцдаа хүүхэд үгийн сан, харилцааны чадвараа сайжруулж байдаг. Түүгээр ч зогсохгүй аливаа үгс, дуу авиаг дуурайн дасгал хийснээр хэл яриа нь зүгширч, тод хэллэгтэй болдог. Гэвч хүүхдийн хэл яриаг зүгшрүүлэх ном, мэдлэг мэдээлэл, заавар зөвлөгөө дутмаг байдгийг эцэг эхчүүд мэдэх байх...

Иймд “Жангар” хүүхдийн номын редакц сургуулийн өмнөх боловсролын мэргэжилтэн Кимико Такахашитай хамтран хүүхдийн хэл яриаг зүгшрүүлэх, авиан зөв дуудлагыг төлөвшүүлэхэд чиглэсэн таван цуврал номыг эрхлэн гаргасан байна.

Ургамлын харшилтай хүмүүсийн өвчин сэдэрч хүндрэлтэй байгаа учир анхаарах тухай зөвлөмжийг хүргэж байна.

Сайхан унтаж амрахын тулд....

Нойргүйдэлт хүний биед хамгийн их хортой байдаг. Өглөө сэрэхэд унтаагүй хүн шиг нэг л ядруу сульдах өдөр бий. Энэ ядаргааг бага дээр нь эмчилж эрүүл байхыг эрхэмлээрэй. Бат бөх унтаж амрах зөвлөгөөг хүргэж байна.

1. Унтахын өмнө 60 минут шаргуу ажилла

Хэрэв шөнө нойр хүрдэггүй бол унтах ёстой цагаасаа 60 минутын өмнө амжуулахыг хүссэн ажлаа хийх хэрэгтэй. Таны нойр амархан хүрэх болно гэж “NYC Sleep Doctor”-ийг үүсгэн байгуулагч, “Сайн унтагч” номын зохиолч физологич эмч, эрдэмтэн Janet Kennedy зөвлөж байна.

2. Халуун ус, шүршүүрт ор

Халуун усанд ороод гарсны дараа биеийн хэм буурдаг. Энэ нь нойр хүрэхэд гол нөлөө үзүүлдэг байна. Таны бие, тархи маш хурдан амралтын “горимд” шилждэг.

3. Оймс өмс

Усанд орохоос өөр нойр хүргэдэг маш амархан арга нь оймсоо өмсөж унтах юм. Оймс өмссөнөөр судас тэлж, цусны эргэлт сайжирч нойр хүргэдэг гэж профессор Ancoli-Israel зөвлөж байна.

4. Амьсгалын 4-7-8 дасгал

Амьсгалаар зүрхний хэмнэл, цусны даралтаа зохицуулж болдог. Энэ нь нойр хүргэхэд чухал нөлөөтэй байдаг. Та 4 секунд амьсгал аваад 7 секунд түгжиж 8 секунд гаргах дасгалыг хийгээрэй. Ингэж амьсгалахдаа бодлоо хамрын үзүүр юмуу цээж, уушигин дээрээ төвлөрүүлээрэй.

5. Нойр хүрээгүй үед орондоо бүү орж хэвт

Нойр хүрээгүй үед орондоо орвол унтах цаг болсон ч гэсэн улам сэргэж ирдэг байна. Та 8 цаг унтах ёстой байтал 10 цаг орондоо хэвтэх гээгүй биз дээ.

6. Амраах дасгалуудыг шөнө биш өдөр хий

Амраах дасгалууд нь булчинг амрааж нойр хүргэхэд тустай байдаг. Гэхдээ унтахын өмнө биш өдрийн цагаар хийх нь илүү үр дүнтэй байдаг гэж Kennedy эмч зөвлөжээ. Та гар утсандаа iSleep Easy апликэйшн татаж амраад дасгал хийгээрэй

7. Орноосоо бос

Нойр хүрэхгүй, элдэв янзын бодол толгойд эргэлдээд орон дээрээ хэвтээд байвал хэвтээд л байна. Ямар ч нэмэр байхгүй. Орноосоо босож хэсэг хугацаанд байснаар эдгээр бодлуудаас ангижирч чадна.

8. Цагаа битгий хар

Байн байн цаг руугаа харах нь та өөртөө улам л стресстэй орчин бүрдүүлж байна гэсэн үг. Цагаа харахгүй байх нь хурдан нойр хүргэдэг байна.

9. Бичиж эхэл

Ямар нэгэн юманд санаа зовоод унтаж чадахгүй үе байдаг. Тийм бол бодоод хэвтэхийн оронд бал цаас гаргаад асуудлаас хэрхэн ангижирч болох талаар нэгд нэгэнгүй бичиж эхэл. Санаа зовох нь багасах болно.

Үсээ гялалзуулж, торгомсог болгох арга

Үс тань хуурайшиж, өнгөө алдаа, соронзлогдоод задгай тавихад төвөгтэй байна уу? Санаа зоволтгүй үүнийг шийдэх боломж байна. Үнэтэй салонаар үйлчлүүлж манюкер эсвэл эмчилгээ, тэжээлийн массаж хийлгэж болно л доо. Гэхдээ хямралтай үед мөнгөө багахан ч болов хэмнээд гэртээ хийж болох үсний өнгийг сэргээх шалгарсан аргуудыг хүргэж байна.

1. Аспиринтай тэжээлийн маск

Шахмал аспирин 6 ширхэг /үснийхээ хэмжээнээс шалтгаалан тааруулан хийгээрэй/ нухаж нунтаглаад дээрээс нь халуун буцалсан ус 140 грамыг нэмнэ. Одоо 1 цайны халбага зөгийн бал болон 1 цайны халбага чидун жимсний тос хийгээд бэлэн боллоо. Энэхүү маскаа хуйхандаа жигд түрхэж, массаж хийж өгнө. 15 минутын дараа бүлээн усаар зайлаад шампиунаар угаана. Будагтай үсэнд тэжээл өгч, гялалзуулахахаас гадна хагны эсрэг үйлчилгээ үзүүлнэ.