Хэвлэн нийтлэх эрх чөлөө жам ёсны эрхтэй эн чацуу, ард түмний мэдэх эрхийнхээ төлөөх сэтгүүлчдийн ажлаа зөв шударга хийх боломж. Улс төрчид эрх баригчдын алдаа завхрал, гэмт хэргийн шинжтэй үйлдлүүдийг үнэн баримтаар нотолж чадсан бол түүнийхээ төлөө шүүгдэх хэлмэгдэх ёсгүй.

Сүүлийн үед зарим мэдээллийг нийгэмд илчилсэн сэтгүүлчдийг уг асуудалтай холбоотой эсэх нь ч тодорхойлох боломжгүй байдлаар мөрдөн шалгалаа гэх мэдээллүүд хөвөрч үүнд нь ард түмэн ихэд дургүйцэж байна. Өөрөөр хэлбэл шударга ёсны зарчмыг мөрдөх ёстой хууль шүүхийн байгууллага нь захиалгаар ажилладаг уу гэх асуулт урган гарах бололтой

Манай улс хэвлэлийн эрх чөлөөг хамгаалах бие даасан хуультай, төрийн бус байгууллагуудтай ч гэдэг дээрээ улс төрөөс хэт хараат байдал давамгайлж байх. Сэтгүүлчдийн шүүхийн шийдвэргүйгээр баривчлан хорьдог тохиолдлууд ардчиллын гол асуудлын нэг болжээ.

Агуулга, зарчмаараа улс, нийтийн эрх ашгийн төлөөх сэтгүүл зүйн үйл ажиллагаа эрх мэдлийн далайлтад далд орох, үнэн факт баримтаараа нийтэд дэлгэгдсэн мэдээллийн эзэн холбогдогч этгээд сэтгүүлчдийг ажлаа хийснийх нь төлөө буруутгахад нөлөөлсөн эсэхийг хууль хяналтынхан давхар шалгах үүрэгтэй болов уу.

Нийтлэлч: Д.ЭНХБАТ