Энэ сарын 05-нд буюу Монголын цагаар шөнийн 02 цагт "Эх дэлхийн мисс" буюу "Miss Earth 2015"-ын эцсийн шалгаруулалтын дүн гарлаа. Уг тэмцээнд амжилттай оролцож, урьдчилсан шалгаруулалтын үеэр дөрвөн медалийн эзэн болсон А.Баярцэцэг интернэт саналын тоогоороо хоёрдугаарт, мөн шилдэг 16-д багтаж чаджээ. Энэ жилийн "Эх дэлхийн мисс"-ээр Филиппиний мисс Ангелия Онг тодорлоо.

Монгол Улсаа төлөөлөн оролцсон мисс А.Баярцэцэгийн тухайд чамлахааргүй амжилтүзүүлжээ. Түүнд:

1. Шилдэг 16-ын нэг

2. НҮБ-ын индэр дээр Ази тивээ төлөөлөн тавьсан эко илтгэлийн төрөлд ялагч (Best presentation)

3. Бүтээлч сэтгэлгээний төрөлд багаараа Алтан медаль (Cooking Creative Challenge- Gold medal)

4. Шилдэг эко видеоны ялагч (Eco-Beauty Video 2015 Winner) - АНУ, Бельги, Франц

5. Шилдэг фото мисс ялагч – Алтан медаль (Photogenic Award- Gold medal)

6. Шилдэг үдшийн гоёлын даашинзны төрөлд ялагч – Алтан медаль (Evening Gown Competition- Gold medal)

7. Богино даашинзны төрөлд – Хүрэл медаль (Cocktail Wear Competition- Bronze medal)

8. Авьяасын төрөлд шилдэг 12 (Talent Competition- One of best 12)

Э.ЭГШИГЛЭН