Гуравдугаар сарын 09-ны өдөр 00 цагт Баянзүрх дүүргийн тавдугаар хороо Монелын гудамжинд эхнэрээ хутгалан хүнд гэмтээсэн хэрэг гарсан байна. Тодруулбал, Цэргийн төв эмнэлэгт цээжин тус газраа хутгалуулсан эмэгтэй хүргэгдэн ирсэн гэсэн дуудлага мэдээлэл бүртгэгжээ. Уг дуудлага мэдээлийг шалгахад эмэгтэй 40 настай О-гийн зүүн даланд түүний нөхөр 41 настай М нь архи согтууруулах ундаа хэтрүүлэн хэрэглэсэн үедээ хутгалсан аж.

Гэмт хэрэг гарсан шалтгаан нөхцөл нь үл ялих зүйлээс үүдэн маргалдаж улмаар хутгалсан байгаа юм. Уг гэмт хэрэгт цагдаагийн байгууллага Монгол улсын эрүүгийн хуулийн тусгай ангийн 11 дүгээр бүлэгт заасан Хүний эрүүл мэндийн халдашгүй байдлын эсрэг гэмт хэрэг мөн тус хуульд заасан хүндрүүлэх нөхцөл байдалд 11.7-т заасан Гэр бүлийн хүчирхийллийн зүйл ангиар эрүүгийн хариуцлагад татан шалгах юм.