Баянзүрх дүүрэг дэх Цагдаагийн хоёрдугаар хэлтэс “Тэнэмэл” арга хэмжээг зохион явуулжээ Тус цагдаагийн хэлтсээс орон гэрээсээ дайжсан, тэнэмэл амьдралаар амьдардаг иргэдийг бүртгэлжүүлэх, үндэс захиргаа болон ах дүү, төрөл саданг тогтоох, нийгмийн халамжийн үйлчилгээнд хамруулах, гэмт хэрэг зөрчилд холбогдох болон хохирохоос урьдчилан сэргийлэх зорилгоор “Тэнэмэл” хэсэгчилсэн арга хэмжээг эхлүүллээ. Мөн хариуцсан 10 хороодын нутаг дэвсгэрт тэнэмэл байдлаар амьдардаг нийслэлийн харьяат 64, хөдөө орон нутгийн харьяат 17, нийт 81 иргэний гарын дардасын хээг авч, өндөр, жин, сорви болон шивээс зэрэг содон шинж тэмдгийг фото зургийн аргаар бэхжүүлж авчээ. Мөн энэ үеэр Сүхбаатар дүүрэг дэх цагдаагийн хоёрдугаар хэлтсээс эрэн сурвалжлагдаж байсан 1 иргэнийг олж тогтоон, харьяаллын дагуу шилжүүллээ. Энэхүү арга хэмжээ цаашид үргэлжлэн явагдах бөгөөд эдгээр иргэдийг нийгэмшүүлэх, эрүүл мэндийн үзлэг оношилгоонд хамруулах, зөв амьдралын хэвшил дадалтай болгох чиглэлээр төрийн болон төрийн бус байгууллагуудтай хамтран шат дараалсан ажил зохион байгуулан ажиллаж байна.