МАН 2016 онд үнэмлэхүй ялалт байгуулж, 65 суудал авснаас хойш тэдний “реклам шоудалт” тасрахгүй 2020 оны сонгууль хүрэх нь бололтой. Улс төрийн ууган хүчин болох МАН боловсон хүчний нөөц тун сайтай гэж хэлэгддэг үе хэдийнээ ард хоцорсон нь ойрын өдрүүдэд болж буй үйл явдлуудаас харагдах боллоо.

Учир нь МАН-ын эмэгтэй гишүүд байнгын хорооны хуралдаан дээр бохь үлээж, боов идэж, эрэгтэй гишүүн нь хүчингийн хэрэг хийхээс эхлээд тэдний биеэ авч яваа байдал олон нийтийн дургүйцлийг төрүүлдэг нь нууц биш.

Гэтэл өнөөдөр МАН-ын генсек, ЖДҮ-чдийн нэг болох М.Амарбаясгалан “хүчингийн хэрэгт холбогдогч” Д.Гантулгыг зөвлөхөөрөө авсан дуулиан тасраагүй байхад Нийслэлийн Агаар орчны бохирдлын асуудал хариуцсан төслүүдийн удирдагч Д.Мөнхжаргал Гоодойн зусланд гарсан галын голомтоос зуны гоёмсог цагаан бүрх малгай өмсөж, орчин үеийн залуусын загварлаг гэгдэх “миррор” нүдний шил зүүн, сельфидэж байгаа нь ёстой л МАН-ын боловсон хүчний нөөц хэрхэн муудсаныг баримтаар батлах шиг.

Албан үүргээ гүйцэтгэж байна гээд ийнхүү гал түймрийн голомтоос сельфидэн зогсох МАН-ын угшилтай, Нийслэлийн даргыг яах вэ ард түмээн... “Гандааш” хочийг ард түмнээс авсан Гантулга зөвлөхтэй МАН-ын генсекийн бас яах вэ...Шүүмжлэхэд үг ч гарахааргүй ёсзүйгүй үйлдэл төрд, намд нүүрлэжээ.

Сельфи хийх буюу өөрийнхөө зургийг авах энэ үзэгдэл орчин үеийн хүүхэд залуусын дунд өргөн тархсан ч 40 хүрсэн төрийн албан хаагч ингэж зогсох нь ёс зүйд хэрхэн нийцэх вэ. Америк мэтийн ардчиллын өлгий нутагт “Сельфи” нь оддын өвчин гэгддэг. Өөрийгөө гайхуулах гэх мэт. Төрийн өндөр албан тушаалтан сельфи хийх нь битгий хэл, камериас зугтаж явах нь элбэг. Гэтэл МАН-ын дарга нар ийнхүү сельфидэж буй нь урлагийн од гэлтэй өөрийгөө үнэлсэн, төрийн хүн гэх шаардлага, ёс журам, мартагдсан гэх буурь суурь зарчмыг уландаа гишгэсэн үйлдэл мөн.

Ард түмнийг “тэнэг” гэж басах хэрэггүй, тэд буруу зөвийг ялгах оюуны мэлмийтэй юм МАН-ын шоучин гишүүдээ, дарга нараа...

Сонгууль болохоор 10, 20 мянгатын дэвсгэрт атгуулж сонгогдчино гэж иргэдийг бүү басамжил. Тэд төрийн жолоог атгасан төрийн түшээдийн үйлдэл бүрийг харж, дүгнэж суугаа. Ямартай ч сонгуулиар эд зүйл, мөнгө төгрөг тараах энэ бохир үйлдлийг зогсоох нэн шаардлага бидэнд байна. Учир нь төрд сонгогдсон түшээдийн өнөөгийн байдал үнэхээр “МУУ” дүн авч, Монгол Улсын хууль тогтоох байгууллагын нүүр царай, эрх баригч улс төрийн ууган хүчний боловсон хүчний боловсролын түвшин “00” байна. Ард түмнийг тэнэг гэж бүү басамжил, арга хэмжээ ав “Рекламны пауз” МАН-ын гишүүддээ!!!