Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадмын хүчит бөхийн барилдааны гурвын даваа эхэллээ. Өчигдөр нэгийн даваанд улсын начин Ж.Оргил, Д.Цогзолдорж, Б.Сугаржаргал, Л.Лха-Очир, Н.Батжаргал нар учраа залуу бөхдөө унасан. Харин хоёрын даваанд Улсын аварга О.Балжинням, Улсын заан Ц.Мягмарсүрэн, Улсын харцага Л.Пүрэвжав, Улсын начин Ж.Отгонбаяр,Улсын начин Л.Цэрэнтогтох, Улсын начин Л.Цэвээн, улсын начин Д.Ганжид, Улсын начин Б.Эрдэнэхүү тэргүүтэй улсын цолтой 22 бөх өвдөг шороодсон.

Ардын хувьсгалын 98 жилийн ойн Үндэсний их баяр наадмын хүчит бөхийн барилдааны гурвын даваанд дархан аварга Г.Өсөхбаяр, Улсын аварга Ч.Санжаадамба, Г.Эрхэмбаяр, Н.Батсуурь, С.Мөнхбат, Улсын арслан П.Бүрэнтөгс, Д.Ганхуяг, Э.Оюунболд нарын тэргүүтэй 128 бөх үлдээд байна.