“Уна-на” гэдэг дуугаараа алдаршсан Реппер Г.Энэрэл гэр бүлийн хүчирхийллийн хэрэгт холбогдсон бөгөөд түүнд холбогдох хэргийн шүүх хурал өнөөдөр нийслэлийн Баянгол дүүргийнЭрүүгийн хэргийн анхан шатны шүүхэд боллоо. Анхан шатны шүүхээс түүнд ЭХ-ийн 11.6 дугаар зүйлийн 2 дахь хэсэт зааснаар 300 цаг нийтэд тустай ажил хийлгэх ял оногдуулсан байна. Эрүүгийн хуулийн энэ зүйл анги нь Хүний эрүүл мэндэд хөнгөн хохирол учруулах гэсэн зүйлчлэлтэй бөгөөд “Хүндрүүлэх нөхцөл байдалтайгаар үйлдсэн бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ” гэсэн заалттай юм байна. 240-720 цагийн нийтэд тустай ажил хийлгэх шийтгэлээс реппер Г.Энэрэлд 300 цагийн ажил хийх шийтгэлийг оногдуулсан байна.

Н.Төгөлдөр