Авто замын тэмдэг, тэмдэглэгээг стандартад нийцүүлж шинэчлэх үүрэг чиглэл өглөө

Aдмин / Нийгэм

Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр Нийслэлийн авто замын хөгжлийн газар, Улаанбаатар зам засвар арчлалтын газар, Нийслэлийн замын хөдөлгөөн, төлөвлөлт зохицуулалт, инженерчлэлийн газар, Хотын стандарт, орчны аюулгүй байдлын хяналт зохицуулалтын газрын удирдлагуудтай уулзаж авто замын хэвтээ, босоо тэмдэглэгээг стандартад нийцүүлэн шинэчлэх ажлыг хийж гүйцэтгэх талаар үүрэг чиглэл болгов.

Хотын захирагч С.Амарсайхан “Улаанбаатар хотыг 2020 онд стандарттай болгох ажлыг эхлүүлээд явж байна. Энэ хүрээнд олон ажил төлөвлөгдсөн. Замын хөдөлгөөн зохицуулалт, зам дэд бүтцийн чанар стандарт, барилга байгууламжийн норм, дүрэм, журам гээд олон асуудлыг цэгцэлнэ. Өнөөдөр НАЗХГ, УЗЗАГ, ХСОАБХЗГ-ын удирдлагуудтай уулзаж Улаанбаатар хотын замын тэмдэг тэмдэглэгээг олон улсын стандартад нийцүүлэх, гудамж талбайг хаягжуулах ажлын бэлтгэл ажлыг хангах асуудлыг шийдвэрлэж байна. Замын тэмдэг тэмдэглэгээг стандартад нийцүүлснээр иргэд аль гудамжаар аль зүг рүү явж байгаа гэдгээ мэддэг болох, тэр хэрээр хөдөлгөөнд оролцох чиглэл тодорхой болох боломжтой болно. Үүнийг дагаад зам тээврийн осол эндэгдэл буурах чухал ач холбогдолтой. Мөн гудамж талбайг хаягжуулснаар хотын өнгө үзэмж сайжруулах тэр хэрээр хотын соёлыг хэвшүүлэх цаашлаад шинэ түвшинд хүргэх зорилготой юм. Нийслэлчүүд гудамж талбайн нэршлийг мэдэхгүй байна гэдэг нь мэдэх боломжийг олгож өгөхгүй байна гэсэн үг.Тиймээс энэ ажлыг эрчимжүүлж стандарт нийцсэн, чанартай хэн бүхэнд ойлгомжтой мэдээлэл өгдөг тэмдэг тэмдэглэгээтэй болох чухал байна” гэдгийг онцоллоо.

Энэ оны дөрөвдүгээр сарын 1-н гэхэд авто замын босоо тэмдэглэгээг шинэчилж дуусгах, зургаадугаар сарын 15-н гэхэд авто замын хэвтээ тэмдэглэгээг шинэчилж дуусгах үүрэг чиглэлийг хотын Захирагч холбогдох албан тушаалтнуудад өглөө.

Нийслэлийн ЗДТГ-ын Хэвлэл мэдээлэлтэй харилцах хэлтэс


Сэтгэгдэл

Зочин [66.181.189.112] 2020-02-28 11:20:25

Замын тэмдэгүүд ихэнх нь стандартын бус шүү. Засаж залруулах нь зөвөө.

зочин [202.126.89.54] 2020-02-28 01:55:25

Болж байгаа юмыг шинэчлэж мөнгө цавчих арга ингэж идээд сурсан новшнууд, Жолооны үнэмлэх, иргэний үнэмлэх, Улсын дугаар. Сурах бичиг элдэв долоон зөвшөөрөл тайлан маягт, хаяг сольж шинэчлэх бүртээ мөнгө хусна. Дэлхийн жишиг гэж халхавч хийнэ тэгж их дэлхийн жишгийг дуурайх дуртай юм бол сайн юмыг дуурайх хэрэгтэй байна . Тухайлбал хариуцлага алдсан төрийн өндөр албан тушаалтнуудаа байх газарт нь аваачдаг, хуулиа ягштал хэрэгжүүлдэг жишгийг дуурайх хэрэгтэй.

Зочин [139.5.217.111] 2020-02-27 09:30:49

Мөнгө цавчихуу одоо хийх ажил биш

зочин [203.98.76.6] 2020-02-27 09:13:54

мөн хурд сааруулагчиндаа стандарт тогтоох шаардлагатай байна шүү.өндор нам, өргөн нарийн замын тал хэсэгт нь ч байх шиг арай дэндүү замбраагүй байгаад яаралтай арга хэмжээ аваарай.

Зочин [182.160.36.132] 2020-02-27 08:32:29

Наад Энхтөрөөс чинь эхлээд замын тэмдэг тэмдэглэгээгээ мэддэг хүн байгаа юм уу?


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.