Тарваган тахлаас урьдчилан сэргийлье

Aдмин / Эрүүл мэнд

Коронавирусийн тархалтаас урьдчилан сэргийлж, зуны амралтаа хөдөө орон нутагт өнгөрүүлэхээр зорчих иргэдийн хөдөлгөөн ихэссэнтэй холбогдуулан “Тарваган тахал”-ын халдвараас урьдчилан сэргийлж, өөрсдийн эрүүл мэнд, амь насаа хамгаалахыг анхааруулж байна.

Тарваган тахал нь нянгаар үүсгэгддэг, халдвартай мэрэгч амьтад, бүүргээр дамжин халдварладаг тунгалгийн зангилаа, уушиг, ходоод гэдсийг зонхилон гэмтээдэг зоонозын цочмог халдварт өвчин. Манай улсын 17 аймгийн 137 сум тарваган тахлын байгалийн голомттой.

Халдвар дамжих зам:

• Шууд хавьтал (тахлаар өвчилсөн тарвага агнах, арьс өвчих, мах эвдэх..)

• Агаар дусал

• Дам халдвар (мэрэгч амьтдын бөөс, бүүрэгт хазуулах)

• Хоол боловсруулах зам (тарваганы түүхий эд, эрхтэн залгих, дутуу чанасан мах идэх)

Нууц үе: Хэдэн цагаас 6 хоног, дунджаар 2-3 хоног

Эмнэл зүйн хэлбэр:

• Арьсны хэлбэр

• Булчирхайн хэлбэр

• Уушгины хэлбэр

• Үжил хэлбэр

• Гэдэсний хэлбэр

• Залгиур хоолойн хэлбэр

Шинж тэмдэг:

• 38-40 хэм хүрч халуурах

• Суга, цавь, хүзүү, тунгалгийн булчирхай цочих, хөдөлгөөнгүй маш их эмзэглэлтэй болох

• Бүх бие булчингаар шархирч өвдөх

• Толгой өвдөх

• Ханиалгах

• Цустай цэр гарах

• Амьсгалахад хүндрэлтэй болох

• Бөөлжих

• Хэвлийгээр өвдөх

• Суулгах

Урьдчилан сэргийлэх:

• Тарвага агнахгүй байх

• Тарваганы мах идэхгүй байх

• Түүхий эд, эрхтэнг хэрэглэхгүй байх

• Тарвагыг нохойгоор бариулахгүй байх, урхи, хавхаар агнахгүй байх

• Тарваганы түүхий мах эд, эрхтэнг хот суурин газарт оруулахгүй байх

• Хүүхдийг тарваганы дошон дээр тоглуулахгүй, унтуулахгүй байх

• Шимэгчид хазуулахаас сэргийлж дайжуулагч хэрэглэх

• Тарваган тахлын эсрэг вакцин тариулах

• Гэр орондоо агнасан тарвага, арьс хадгалахгүй байх

• Гэр орондоо мэрэгч амьтан орохоос сэргийлж тор хийх, май тавих..,

• Нохойг байнга уяатай байлгах

• Үхсэн, хөдөлгөөн удааширсан тарваганд хүрэхгүй байх

• Үхсэн тарвага, мэрэгч амьтдын тухай Зоонозын өвчин судлалын төвд яаралтай мэдээлэх (70282853, 70284393)

• Тарваган тахлын эрсдэлд өртсөн, эмнэлзүйн шинж тэмдэг илэрсэн тохиолдолд харьяа эрүүл мэндийн байгууллагад яаралтай мэдээлж дуудлага өгөх

Эх сурвалж: ХУД-ийн ЗДТГ


Сэтгэгдэл

Зочин [202.9.46.193] 2020-07-26 17:32:34

Тарвагадоржоор боодог хийж ид

Zochin [202.126.88.229] 2020-07-26 07:38:28

Uhye gevel eniig ideh n uheh gees bgaam bhdaa

Зочин [172.58.204.179] 2020-07-26 05:10:06

Хар сортой сайхан малгай болох амьтан байна даа. Ховдын тарвага байхаа . Өвчтэй тарвага хошгирдоггүй гэдэг юм. Үхрийн цагаан сүүлээр даллаж өдөөд хошгирвол жун пад хийнэ шүү дээ.


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.